തിരുവനന്തപുരം: സംസ്ഥാനത്ത് സ്വർണ വില വീണ്ടും റെക്കോർഡുകൾ ഭേദിച്ചു. ഒരു ഗ്രാം സ്വർണത്തിന് 4765 രൂപയാണ് വില. ചരിത്രത്തിലാദ്യമായി പവൻെറ വില 38,120 രൂപയിലെത്തി. ഒരു ഗ്രാമിന് 30 രൂപയാണ് വർധിച്ചത്. പവന് 240 രൂപയാണ് കുടിയത്.
ഈ വർഷം മാത്രം സ്വർണവിലയിൽ 30 ശതമാനം വർധനയാണ് രേഖപ്പെടുത്തിയത്. 2011ന് ശേഷം ഇതാദ്യമായി അന്താരാഷ്ട്ര വിപണിയിൽ ഒരു ഔൺസ് സ്വർണത്തിൻെറ വില 1,900 ഡോളറിലെത്തി. കോവിഡ് 19 വൈറസ് ബാധയെ തുടർന്നുണ്ടായ സാമ്പത്തിക അനിശ്ചിതാവസ്ഥയാണ് സ്വർണവില ഉയരാനുള്ള പ്രധാന കാരണം.
ഓഹരി വിപണികളിൽ സ്ഥിരത നഷ്ടമായതോടെ നിക്ഷേപകർ മറ്റു വഴികൾ തേടി തുടങ്ങി. ഇത് വൻതോതിൽ സ്വർണത്തിൽ നിക്ഷേപമെത്താനും വില വർധിക്കാനും കാരണമായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.