ന്യൂഡൽഹി: അന്തർസംസ്ഥാന ചരക്കുകടത്തിനുള്ള ഇ-വെ ബിൽ സംവിധാനം അടുത്തവർഷം ജൂൺ ഒന്നിനകം രാജ്യവ്യാപകമായി നടപ്പാക്കാൻ ന്യൂഡൽഹിയിൽ ചേർന്ന ജി.എസ്.ടി കൗൺസിൽ യോഗം തീരുമാനിച്ചു.
ഇ-വെ ബിൽ പ്രകാരം 50,000ൽ കൂടുതൽ തുകയുടെ ചരക്ക് ഒരു സംസ്ഥാനത്തുനിന്ന് മറ്റൊരു സംസ്ഥാനത്തേക്ക് കടത്താൻ മുൻകൂറായി ഒാൺലൈൻ രജിസ്ട്രേഷൻ നടത്തണം.
ധനമന്ത്രി അരുൺ ജെയ്റ്റ്ലിയുടെ അധ്യക്ഷതയിൽ വിഡിയോ കോൺഫറൻസിലൂടെയാണ് 24ാമത് ജി.എസ്.ടി കൗൺസിൽ സമ്മേളിച്ചത്. ഇ-വെ ബിൽ നടപ്പാക്കാൻ ആവശ്യമായ കമ്പ്യൂട്ടർ ഹാർഡ്വെയർ-സോഫ്റ്റ്വെയർ സംവിധാനങ്ങളുടെ ഒരുക്കവും കൗൺസിൽ വിലയിരുത്തി. ദേശീയ ഇ-വെ ബിൽ നടപ്പാകുന്നതുവരെ സംസ്ഥാനങ്ങളുടെ ഇ-വെ ബിൽ തുടരും. അതേസമയം, ജനുവരി 16 മുതൽ ദേശീയ ഇ-വെ ബിൽ പരീക്ഷണാടിസ്ഥാനത്തിൽ നടപ്പാക്കും.
വ്യാപാരികൾക്കും ചരക്ക് വാഹന ഉടമകൾക്കും സ്വന്തം നിലക്ക് ഇതിെൻറ ഭാഗമാകാം. ഇ-വെ ബിൽ നിയമാവലി സംബന്ധിച്ച ഉത്തരവ് ഫെബ്രുവരി ഒന്നിന് ഇറങ്ങും. ഇതോടെ രാജ്യമെമ്പാടും ചരക്കുകടത്തിന് ഏകോപിതരൂപം കൈവരുമെന്നാണ് സർക്കാർ പ്രതീക്ഷിക്കുന്നത്.
ജനുവരി 16നും ജൂൺ ഒന്നിനും ഇടക്ക് എപ്പോൾ വേണമെങ്കിലും സംസ്ഥാനങ്ങൾക്ക് ഇ-വെ ബിൽ സംവിധാനത്തിലേക്ക് മാറാമെന്നും കേന്ദ്രം അറിയിച്ചു. നികുതിവകുപ്പിന് രാജ്യത്തെ മുഴുവൻ ചരക്കു കടത്തും നിരീക്ഷിക്കാൻ കഴിയുന്നതിനൊപ്പം ചെക്പോസ്റ്റുകൾ ഇല്ലാതാകുന്നതോടെ ചരക്ക് ഗതാഗതം വേഗത്തിലാകുമെന്നതുമാണ് ഇ-വെ ബില്ലിെൻറ നേട്ടങ്ങൾ.
ഇലക്ട്രോണിക് വെ ബിൽ
ചരക്ക് കടത്തിന്, ചരക്ക് സേവന നികുതി നെറ്റ്വർക്കിൽ നിന്ന് (ജി.എസ്.ടി.എൻ) ലഭ്യമാവുന്ന ബില്ലാണ് ഇലക്ട്രോണിക് വെ-ബിൽ (ഇ-വെ ബിൽ). ഇതില്ലാതെ 50,000 രൂപയിൽ കൂടിയ തുകയുടെ ചരക്ക് കടത്ത് നിയമവിരുദ്ധമാണ്. എസ്.എം.എസ് വഴി ഇ-വെ ബിൽ എടുക്കാനും റദ്ദാക്കാനും കഴിയും. ബിൽ എടുക്കുേമ്പാൾ ലഭിക്കുന്ന നമ്പർ വിതരണക്കാരനും സ്വീകർത്താവിനും വാഹന ഉടമക്കും ഒരേസമയം ലഭ്യമാകും. ചരക്ക് അയക്കൽ, തിരിച്ചയക്കൽ എന്നിവക്ക് ഇ-വെ ബിൽ എടുക്കാം.
ജി.എസ്.ടി.എന്നിൽ രജിസ്റ്റർ ചെയ്തവർക്ക് 50,000 രൂപയിൽ താെഴയുള്ള ചരക്കുകടത്തിനും ഇ-വെ ബിൽ നിർബന്ധമാണ്. രജിസ്റ്റർ ചെയ്തവരിൽ നിന്ന് രജിസ്റ്റർ ചെയ്യാത്തവർ ചരക്ക് സ്വീകരിക്കുേമ്പാഴും ഇ-വെ ബിൽ എടുക്കാം. അല്ലെങ്കിൽ ഇതുമായി ബന്ധപ്പെട്ട മറ്റ് ചട്ടങ്ങൾ പാലിക്കുന്നുണ്ടെന്ന് ഉറപ്പാക്കണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.