മസ്കത്ത്: ബജറ്റ് വിമാന കമ്പനിയായ ഇൻഡിഗോ എയർ കോഴിക്കോടിന് പിന്നാലെ മസ്കത ്തിൽനിന്ന് കൊച്ചിയിലേക്കുള്ള സർവിസും നിർത്തലാക്കുന്നു. ഏപ്രിൽ ഒന്നുമുതൽ സർവിസ് ഉണ്ടാകില്ല. മുന്നറിയിപ്പില്ലാതെയാണ് സർവിസ് നിർത്തലാക്കുന്നതെന്ന് ട്രാവൽ ഏജൻസി രംഗത്ത് പ്രവർത്തിക്കുന്നവർ പറയുന്നു.
വ്യാഴാഴ്ച രാവിലെയാണ് ഇത് സംബന്ധിച്ച അറിയിപ്പ് ലഭിച്ചത്. അന്വേഷിച്ചപ്പോൾ ജീവനക്കാരുടെ കുറവാണ് കാരണമെന്നാണ് പറഞ്ഞത്. ഏപ്രിൽ മുതൽ ടിക്കറ്റ് എടുത്തവർക്ക് പണം തിരികെ നൽകും. സർവിസ് പുനരാരംഭിക്കുന്നതിനെ കുറിച്ച് സൂചനയൊന്നുമില്ലെന്നും ഇവർ പറഞ്ഞു. നേരത്തേ ജെറ്റ് എയർവേസും കൊച്ചിയിലേക്കുള്ള സർവിസ് നിർത്തലാക്കിയിരുന്നു. ഏപ്രിൽ മുതൽ ഒമാൻ എയറും എയർഇന്ത്യ എക്സ്പ്രസും മാത്രമായിരിക്കും കൊച്ചിയിലേക്ക് ഉണ്ടാവുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.