മുംബൈ: കോവിഡ് 19 സംബന്ധിച്ച ആശങ്കകൾ രൂപയുടെ വിനിമയ മൂല്യത്തേയും സ്വാധീനിക്കുന്നു. ഡോളറിനെതിരെ രൂപയുടെ വിനി മയ മൂല്യം 70 പൈസ ഇടിഞ്ഞ് 74.34 രൂപയായി. ഡോളറിനെതിരെ 73.34ലാണ് രൂപ വ്യാപാരം ആരംഭിച്ചത്. പിന്നീട് വീണ്ടും ഇടിവ് രേഖപ്പെടുത്തുകയായിരുന്നു.
കോവിഡ് 19യെ ലോകാരോഗ്യ സംഘടന മഹാമാരിയായി പ്രഖ്യാപിച്ചതോടെയാണ് ആഗോള സമ്പദ്വ്യവസ്ഥയിൽ ചലനമുണ്ടായത്. യുറോപ്യൻ യൂണിയൻ രാജ്യങ്ങൾക്ക് അമേരിക്ക യാത്ര വിലക്ക് ഏർപ്പെടുത്തുകയും ചെയ്തതോടെ സ്ഥിതി കൂടുതൽ രുക്ഷമായി.
കോവിഡ് 19 വൈറസ് ബാധയെ സംബന്ധിച്ച ആശങ്കമൂലം വിദേശനിക്ഷേപകർ ഇന്ത്യൻ വിപണിയെ കൈവിടുകയാണ്. ഇതും രൂപയുടെ മൂല്യത്തെ സ്വാധീനിക്കുന്നുണ്ട്. ഇന്ത്യൻ ഓഹരി വിപണികളും ഇന്ന് നഷ്ടത്തോടെയാണ് വ്യാപാരം നടത്തുന്നത്. സെൻസെക്സ് ഏകദേശം 1600 പോയിൻറ് നഷ്ടത്തോടെയും നിഫ്റ്റി 545 പോയിൻറ് നഷ്ടത്തോടെയുമാണ് വ്യാപാരം ആരംഭിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.