മുംബൈ: സ്പൈസ് ജെറ്റ് പുതിയ വാർഷിക വിപണന ഒാഫർ പ്രഖ്യാപിച്ചു. പുതിയ ഒാഫർ പ്രകാരം 737 രൂപ മുതൽ വിമാന ടിക്കറ്റുകൾ ലഭ്യമാവും. നവംബർ 24വരെ ഇൗ ഒാഫറിൽ ടിക്കറ്റുകൾ ബുക്ക് ചെയ്യാം. 2017 ജനുവരി 9 മുതൽ ഒക്ടോബർ 28 വരെയാണ് യാത്ര സമയം. 500 കിലോ മീറ്റർ വരെയുള്ള റൂട്ടുകൾക്കാണ് പുതിയ ഒാഫർ ലഭ്യമാവുക. കോയമ്പത്തുർ-െചന്നൈ, ജമ്മു–ശ്രീനഗർ, ശ്രീനഗർ-ചണ്ഡിഗഢ്, ചണ്ഡിഗഢ്–അഗർത്തല എന്നീ റൂട്ടുകളിലാവും പുതിയ ഒാഫറിൽ വിമാനത്തിൽ പറക്കാൻ കഴിയുക.
പുതിയ ഒാഫറിൽ ടിക്കറ്റുകൾ ബുക്ക് ചെയ്യുന്നതിന് എയർപോർട്ടിലെ കൗണ്ടറുകളിൽ നവംബർ 24 വരെ പഴയ 1000, 500 നോട്ടുകൾ സ്വീകരിക്കുമെന്ന് സ്പൈസ് ജെറ്റ് അറിയിച്ചു. എന്നാൽ എത്ര സീറ്റുകളാണ് പുത്തൻ ഒാഫർ പ്രകാരം ലഭ്യമാകുക എന്ന് കമ്പനി പറഞ്ഞിട്ടില്ല.
എയർലൈൻ കമ്പനികളുടെ പ്രമോഷണൽ ഒാഫറുകൾ രാജ്യത്തെ അഭ്യന്തര വിമാന യാത്രക്കാരുടെ എണ്ണത്തിൽ 20 ശതമാനം വരെ വർധനവിന് കാരണമായിട്ടുണ്ടെന്ന് കണക്കുകൾ പറയുന്നു. എയർ ഏഷ്യയും ജെറ്റ് എയർവേയ്സ് ടിക്കറ്റ് നിരക്കുകളിൽ വൻ ഇളവ് വരുത്തി നേരത്തെ രംഗത്തെത്തിയിരുന്നു. എയർ ഏഷ്യ 898 രൂപക്കും ജെറ്റ് എയർവേയ്സ് 1,048 രൂപക്കുമായിരുന്നു ടിക്കറ്റുകൾ ലഭ്യമാക്കിയിരുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.