മുംബൈ: മുകേഷ് അംബാനിയുടെ ഉടമസ്ഥതയിലുള്ള റിലയൻസ് ഇൻഡസ്ട്രീസിന്‍റെ മൂന്നാം പാദലാഭത്തിൽ 12.5 ശതമാനം വർധന. 13,101 കോടിയായാണ് ലാഭം ഉയർന്നത്. അതേസമയം, കമ്പനിയുടെ വരുമാനം 22 ശതമാനം ഇടിഞ്ഞ് 128,450 കോടിയായി. കഴിഞ്ഞ സാമ്പത്തിക വർഷത്തിന്‍റെ മൂന്നാം പാദത്തിൽ 11,640 കോടിയായിരുന്നു റിലയൻസിന്‍റെ ലാഭം.
കോവിഡ് പ്രതിസന്ധിക്കിടയിലും 50,000ത്തോളം പുതിയ തൊഴിലുകൾ സൃഷ്ടിക്കാൻ ഏപ്രിൽ-ഡിസംബർ കാലയളവിൽ റിലയൻസിന് കഴിഞ്ഞുവെന്ന് കമ്പനി അറിയിച്ചു. റിലയൻസിന്‍റെ സഹ കമ്പനിയായ ജിയോയുടെ ലാഭം 15 ശതമാനം ഉയർന്നിട്ടുണ്ട്. 3,489 കോടിയായാണ് ജിയോയുടെ ലാഭം ഉയർന്നത്.
ലോകം കാലാവസ്ഥവ്യതിയാനത്തിനെതിരായ പോരാട്ടം തുടരുകയാണ്. ഈ പോരാട്ടം റിലയൻസിന് പുതിയ അവസരങ്ങൾ തുറന്നിടും. പുതിയ ഊർജസ്രോതസുകളുടേയും വസ്തുക്കളുടേയും ബിസിനസിലേക്ക് റിലയൻസ് കടക്കുമെന്നും അംബാനി പറഞ്ഞു. കോവിഡ് കമ്പനിയുടെ ലാഭത്തിൽ ഇടിവുണ്ടാക്കിയിട്ടുണ്ടെന്നും അദ്ദേഹം പ്രതികരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.