ജി.എസ്​.ടി എന്തുകൊണ്ട്​ മെച്ചം

രാജ്യത്ത് ചരക്കുസേവനനികുതി ജൂലൈ ഒന്നുമുതൽ പ്രാവർത്തികമായി. ഇന്ത്യയൊട്ടാകെ ഒരു രാജ്യം, ഒരേവസ്​തുവിന് ഒരേ നികുതി, ഒരു മാർക്കറ്റ് എന്ന തത്ത്വം നിലവിൽ വന്നു. ഓരോ സംസ്​ഥാനത്തും ഒരേ വസ്​തുവിന് വിവിധങ്ങളായ നികുതിനിരക്കുകളായിരുന്നതിനാൽ ഇന്ത്യ സാമ്പത്തികമായി വിവിധങ്ങളായി വിഭജിക്കപ്പെട്ടിരുന്നു. നികുതിനിരക്കിലുള്ള വ്യത്യാസം വ്യവസായങ്ങളെ ചില സംസ്​ഥാനങ്ങളിൽ മാത്രം ഒതുക്കിനിർത്താൻ ഇടയാക്കിയിരുന്നു. എന്നാൽ നികുതിയുടെ ഏകീകരണം ഏതു വ്യവസായവും രാജ്യത്തെവിടെയും പ്രാദേശിക വ്യത്യാസങ്ങളില്ലാതെ തുടങ്ങുവാൻ സാധിക്കുന്ന അവസ്​ഥയിലെത്തിച്ചിട്ടുണ്ട്.

ജി.എസ്​.ടിയുടെ ആവിർഭാവത്തോടുകൂടി സുതാര്യത വർധിക്കുന്നതിനാൽ അഴിമതി ഒരുപരിധിവരെ തടയപ്പെടും. ഇൻപുട്ട് ടാക്​സ്​ െക്രഡിറ്റ് ഏതു ചരക്കിനും സേവനത്തിനും ലഭിക്കുന്നതിനാൽ ബില്ലിങ്​ സംവിധാനം മെച്ചപ്പെടുകയും അതുമൂലം ബില്ലില്ലാതെയുള്ള കച്ചവടങ്ങൾ ഇല്ലാതാവുകയും ചെയ്യും. ഇതുമൂലം 
ഗവൺമ​​​െൻറുകൾക്ക് നികുതിയിനത്തിൽ വർധനവ് ഉണ്ടാവും. ബിസിനസി​​​​െൻറ സുഗമമായ നടത്തിപ്പുമൂലം രാജ്യത്തി​​​െൻറ ജി.ഡി.പി ഒന്ന്​–രണ്ട്​ ശതമാനം വരെ വർധിക്കുമെന്ന് കണക്കുകൂട്ടപ്പെടുന്നു.

മുൻകാലങ്ങളിൽ കേന്ദ്രവും സംസ്​ഥാനങ്ങളും പ്രത്യേകം പ്രത്യേകമായാണ് നികുതി പിരിച്ചുകൊണ്ടിരുന്നത്. ഭരണഘടന അനുസരിച്ച് ഉൽപാദനത്തിനും സേവനത്തിനും നികുതിപിരിക്കുന്നതിനുള്ള അവകാശം കേന്ദ്രഗവൺമ​​​െൻറിൽ ആണ് നിക്ഷിപ്​തമായിരുന്നത്. അതേസമയം വിൽപനയിലുള്ള നികുതിക്ക് സംസ്​ഥാനസർക്കാറിനാണ് അവകാശം. തന്മൂലം കേന്ദ്രത്തിൽ പിരിക്കുന്ന നികുതിയുമായിട്ട് സംസ്​ഥാനങ്ങൾക്ക് സെറ്റോഫ്ചെയ്യാനോ സംസ്​ഥാനനികുതികൾ കേന്ദ്രവുമായി സെറ്റോഫ് ചെയ്യുവാനോ നിയമം ഉണ്ടായിരുന്നില്ല. 101 ഭരണഘടനഭേദഗതിവഴി 2016ൽ ഈ നിയമം മാറ്റിയെടുക്കുകയും ജി.എസ്​.ടി പിരിക്കുവാൻ കേന്ദ്രത്തിനെയും സംസ്​ഥാനങ്ങളെയും അധികാരപ്പെടുത്തുകയും ചെയ്തു.

ജി.എസ്​.ടിയുടെ വരവോടുകൂടി നികുതിക്ക് മുകളിൽ ഉള്ള നികുതി ഇല്ലാതായി. അതായത് ഉൽപാദനസമയത്ത് എക്സൈസ്​ ഡ്യൂട്ടി ചുമത്തിയ ഒരു വസ്​തുവിൽക്കുമ്പോൾ ആ ഡ്യൂട്ടിയിന്മേലും സെയിൽടാക്​സ്​​/വാറ്റ് ഈടാക്കുന്നുണ്ട്. അന്യസംസ്​ഥാനത്തുനിന്നും ഒരു സാധനം വാങ്ങി ഇവിടെ വിറ്റാൽ മറ്റുസംസ്​ഥാനത്ത് അടച്ച നികുതിയുടെ പുറത്ത് ഇവിടെയും നികുതി ചുമത്തും. ജി.എസ്​.ടി നിലവിൽ വന്നതോടുകൂടി നികുതിയുടെ മേൽ ഉള്ള നികുതി പൂർണമായും ഇല്ലാതായി. ഇത് വിലക്കുറവിന് കാരണമാകും. സംസ്​ഥാനങ്ങൾ തമ്മിൽ നികുതിനിരക്കിൽ വ്യത്യാസം ഉണ്ടെങ്കിൽ കുറഞ്ഞ നികുതിയുള്ള സംസ്​ഥാനത്തുനിന്ന്​ സാധനങ്ങൾ കസ്​റ്റമേഴ്​സ്​ നേരിട്ട് വാങ്ങുന്നതിനാൽ ആ സംസ്​ഥാനത്തിന് ലഭിക്കേണ്ടനികുതിയും ബിസിനസും നഷ്​ടപ്പെട്ടിരുന്നു.

നികുതിയിലെ നിർവചനങ്ങളും വ്യാഖ്യാനങ്ങളും പലപ്പോഴും വ്യവഹാരങ്ങളിലേക്ക് വ്യവസായലോകത്തെ നയിക്കാറുണ്ട്. ചിലവസ്​തുക്കൾ ചരക്കി​​​െൻറ ഗണത്തിലാണോ അതോ സേവനത്തി​​​െൻറ ഗണത്തിലാണോ ഉൾപ്പെടുത്തേണ്ടത് എന്നത് പലപ്പോഴും തർക്കവിഷയമായിരുന്നു. ചിലവസ്​തുക്കൾക്ക് ചരക്കി​​​െൻറ നികുതിയായിരുന്ന വാറ്റും സേവനത്തി​​​െൻറ നികുതിയായിരുന്ന സർവിസ്​ ടാക്​സും ഒരേസമയം ഉപഭോക്​താവിൽനിന്നും ഡീലർമാർ വാങ്ങിയിരുന്നു. പാക്ക്ഡ് കമ്പ്യൂട്ടർ സോഫ്​റ്റ്​വെയർ ഇതിനുദാഹരണമാണ്.

നിയമവിരുദ്ധമാണെങ്കിൽകൂടി തർക്കമൊഴിവാക്കുവാനായി പലരും ഇത് കണ്ണടച്ച് അംഗീകരിക്കുകയായിരുന്നു പതിവ്. അതുപോലെതന്നെ വർക്ക് കോൺട്രാക്റ്റുകളിൽ ഭാഗികമായി വിൽപനയും ഭാഗികമായി സേവനവും വരുന്നതിനാൽ യഥാർഥത്തിൽ ഒടുക്കേണ്ടതിൽ കൂടുതലായ തുക രണ്ടു കൂട്ടരുംചേർന്ന് ഉപഭോക്​താവി​​​​െൻറ പക്കൽ നിന്നും ഈടാക്കിയിരുന്നു. ജി.എസ്.​ടിയിൽ ഈ പ്രശ്​നം ഉദ്​ഭവിക്കുന്നില്ല. ഒന്നുകിൽ ചരക്കി​​​െൻറ നിർവചനത്തിൽ, അല്ലെങ്കിൽ സേവനത്തി​​​െൻറ നിർവചനത്തിൽ എല്ലാ വസ്​തുക്കളും സേവനങ്ങളും കൃത്യമായി വിഭജിച്ചിട്ടുണ്ട്. ചരക്കി​​​െൻറ നിർവചനത്തിൽപെടാത്ത എല്ലാം സേവനത്തിലാണ് ഉൾപ്പെടുത്തിയിരിക്കുന്നത്.

ചരക്കുകളുടെയും സേവനങ്ങളുടെയും ഇടപാടുകളിൽ സംസ്​ഥാനങ്ങളും കേന്ദ്രവും പ്രത്യേകം പ്രത്യേകം ചുമത്തിയിരുന്ന വിവിധ പരോക്ഷനികുതികൾ അവസാനിപ്പിച്ച് രാജ്യമൊട്ടാകെ നിലവിൽ വന്ന ഏകീകൃതനികുതിയാണ് ജി.എസ്​.ടി. ഉൽപാദനം മുതൽ ഉപഭോഗം വരെ വിവിധ അവസ്​ഥകളിൽ വിവിധ സമയത്ത് വിവിധപേരുകളിൽ ചുമത്തപ്പെടുന്ന എല്ലാനികുതികളും ഓരോ സ്​റ്റേജ് കഴിയുമ്പോഴും ഇൻപുട്ട്ടാക്​സ്​​ ആയി അടുത്തസ്​റ്റേജിൽ നൽകുന്ന നികുതിയിൽ തട്ടിക്കിഴിച്ച് വാല്യുഅഡീഷനുമാത്രം പുതിയനികുതിനൽകി ഈടാക്കുന്ന വ്യവസ്​ഥയാണ് ജി.എസ്​.ടി മൂലം നിലവിൽ വന്നത്. 

ജി.എസ്​.ടി ഒരു ഉപഭോഗനികുതിയാണ്. അതായത് ഉപയോഗിക്കുന്ന വ്യക്​തിയുടെ പക്കൽ നിന്നാണ് യഥാർഥത്തിൽ നികുതിപിരിവ് നടത്തുന്നത്​. ബാക്കിയുള്ള എല്ലാ ഘട്ടങ്ങളിലും വർധിപ്പിച്ചവിലയുടെ മാത്രം നികുതിയേ ഈടാക്കുന്നുള്ളൂ. അതിനാൽ ഉപയോഗിക്കുന്ന സംസ്​ഥാനത്ത് ആയിരിക്കും ആ നികുതിയുടെ പൂർണമായ പ്രയോജനം ലഭിക്കുന്നത്. കേന്ദ്രത്തിനും സംസ്​ഥാനത്തിനും പ്രത്യേകം നികുതിയും നിയമങ്ങളുമായിരുന്നതിനാൽ ഭരണപരമായ ​െചലവുകളും കൂടുതലായിരുന്നു. ഭാവിയിൽ ഭരണചെലവുകൾ ഗണ്യമായി കുറക്കുന്നതിന് കേന്ദ്രത്തിനും സംസ്​ഥാനങ്ങൾക്കും സാധിക്കും.