നാളെയുടെ പ്രതിഭകളെ, എ​ജു​ക​ഫേ​യി​ലേ​ക്ക്​ സ്വാ​ഗ​തം

വി​ദ്യാ​ഭ്യാ​സ ലോ​കം പ്ര​തീ​ക്ഷ​ക​ളു​ടേ​താ​ണ്. അ​ധ്യാ​പ​ക​രു​ടെ​യും ര​ക്ഷി​താ​ക്ക​ളു​ടെ​യും വി​ദ്യാ​ർ​ഥി​ക​ളു​ടെ​യു​മെ​ല്ലാം പ്ര​തീ​ക്ഷ​ക​ൾ​ക്ക്​ നി​റം​പ​ക​രു​ന്ന​താ​ണ്​ ഓ​രോ വി​ദ്യാ​ല​യ​ങ്ങ​ളും. ​അ​തോ​ടൊ​പ്പം, ഉ​ത്ത​രം​കി​ട്ടാ​ത്ത ചോ​ദ്യ​ങ്ങ​ളു​ടെ​യും ആ​ശ​ങ്ക​ക​ളു​ടെ​യും സം​ശ​യ​ങ്ങ​ളു​ടെ​യും ലോ​കം​കൂ​ടി​യാ​ണ​ത്. ഏ​തു​ കോ​ഴ്​​സ്​ പ​ഠി​ക്ക​ണം, ആ​രു​ പ​റ​യു​ന്ന​ത്​ വി​ശ്വ​സി​ക്ക​ണം, എ​ന്തു​ പ​ഠി​ച്ചാ​ൽ ജോ​ലി കി​ട്ടും, വി​ദേ​ശ​പ​ഠ​ന​ത്തി​ന്​ എ​ന്തു ചെ​യ്യും, അ​ധ്യാ​പ​ക​രാ​യാ​ൽ എ​ല്ലാം തി​ക​ഞ്ഞോ, വി​ദ്യാ​ഭ്യാ​സം എ​ന്ന​ത്​ മ​ക്ക​ളു​ടെ മാ​ത്രം ചു​മ​ത​ല​യാ​ണോ, ഭാ​വി​യു​ടെ സാ​ധ്യ​ത​ക​ൾ എ​ന്തൊ​ക്കെ​യാ​ണ്, പി​ന്നി​ലാ​യി​പ്പോ​യ മ​ക്ക​ളെ എ​ങ്ങ​നെ കൈ​പി​ടി​ച്ചു​യ​ർ​ത്തും, അ​വ​രു​ടെ ടേ​സ്റ്റ്​ എ​ന്താ​ണ്, ആ​ത്മ​വി​ശ്വാ​സം പ​ക​രാ​ൻ എ​ന്തെ​ല്ലാം ചെ​യ്യ​ണം, ബ​ഹു​മു​ഖ പ്ര​തി​ഭ​ക​ളാ​യ കു​ട്ടി​ക​ളു​ടെ ഭാ​വി എ​ങ്ങ​നെ തി​ര​ഞ്ഞെ​ടു​ക്കും, ചെ​ല​വ്​ എ​ത്ര തു​ട​ങ്ങി അ​ന​ന്ത​മാ​യ ചോ​ദ്യ​ങ്ങ​ളാ​ണ്​ ഓ​രോ ര​ക്ഷി​താ​വി​ന്‍റെ​യും അ​ധ്യാ​പ​ക​രു​ടെ​യും വി​ദ്യാ​ർ​ഥി​ക​ളു​ടെ​യും മു​ന്നി​ലെ ടെ​ലി​പ്രോം​പ്​​റ്റ​റി​ൽ തെ​ളി​ഞ്ഞു​വ​രു​ന്ന​ത്. ഈ ​സം​ശ​യ​ങ്ങ​ൾ​ക്കു​ള്ള മ​റു​പ​ടി​യും ആ​ശ​ങ്ക​ക​ൾ​ക്കു​ള്ള പ​രി​ഹാ​ര​ങ്ങ​ളു​മാ​യാ​ണ്​ 'ഗ​ൾ​ഫ്​ മാ​ധ്യ​മം' എ​ജു​ക​ഫേ പു​തി​യൊ​രു സീ​സ​ണു​മാ​യി വീ​ണ്ടും എ​ത്തു​ന്ന​ത്. ഏ​തു ത​രം സം​ശ​യ​ങ്ങ​ളും ആ​ശ​ങ്ക​ക​ളും പ​രി​ഹ​രി​ക്കാ​ൻ ശേ​ഷി​യു​ള്ള​വ​രാ​ണ്​ ഏ​ഴാം സീ​സ​ണി​ൽ അ​തി​ഥി​യാ​യി എ​ത്തു​ന്ന​ത്. മി​ഡി​ൽ ഈ​സ്റ്റി​ലെ ഏ​റ്റ​വും വ​ലി​യ ഇ​ന്ത്യ​ൻ വി​ദ്യാ​ഭ്യാ​സ-​ക​രി​യ​ർ മേ​ള​യാ​യ 'എ​ജു​ക​ഫേ' ഞാ​യ​ർ, തി​ങ്ക​ൾ ദി​വ​സ​ങ്ങ​ളി​ൽ ദു​ബൈ മുഹൈസിനയിലെ ഇ​ത്തി​സാ​ലാ​ത്ത്​ അ​ക്കാ​ദ​മി​യി​ൽ വി​രു​ന്നെ​ത്തു​മ്പോ​ൾ വി​ദ്യാ​ഭ്യാ​സ രം​ഗ​ത്തെ മാ​റ്റ​ങ്ങ​ളും ച​ർ​ച്ച ചെ​യ്യ​പ്പെ​ടും. അ​പ്ര​തീ​ക്ഷി​ത​മാ​യെ​ത്തി​യ മ​ഹാ​മാ​രി വി​ദ്യാ​ഭ്യാ​സ ലോ​ക​ത്തി​ന്‍റെ ഡി​ജി​റ്റ​ൽ വ​ള​ർ​ച്ച​യി​ൽ വ​ലി​യ പ​ങ്കു​വ​ഹി​ച്ചി​ട്ടു​ണ്ട്. ഒ​രു​പ​ക്ഷേ, വ​ർ​ഷ​ങ്ങ​ൾ​ക്ക​പ്പു​റം സം​ഭ​വി​ക്കേ​ണ്ട പ​ല മാ​റ്റ​ങ്ങ​ളും ഈ ​മേ​ഖ​ല നേ​ര​ത്തെ​ത​ന്നെ ആ​വാ​ഹി​ച്ചു​ക​ഴി​ഞ്ഞു. റോ​ബോ​ട്ടി​ക്സി​ന്‍റെ​യും നി​ർ​മി​ത ബു​ദ്ധി​യു​ടെ​യും ലോ​ക​ത്ത്​ അ​തി​വേ​ഗം കു​തി​ച്ചു​കൊ​ണ്ടി​രു​ന്ന യു.​എ.​ഇ​യു​ടെ വേ​ഗ​ത്തി​ന്​ ദ്രു​ത​ഗ​തി പ​ക​ർ​ന്നാ​ണ്​ മ​ഹാ​മാ​രി ക​ട​ന്നു​പോ​കു​ന്ന​ത്. പു​തു​ലോ​ക​ത്തെ മാ​റ്റ​ങ്ങ​ൾ എ​ങ്ങ​നെ ഗു​ണ​ക​ര​മാ​ക്കാ​മെ​ന്ന്​ പ​റ​ഞ്ഞു​ത​രു​ന്നു​ണ്ട്​ എ​ജു​ക​ഫേ.

ഇ​ന്ത്യ​ൻ ബാ​ഡ്​​മി​ന്‍റ​ണി​ന്‍റെ ഖ്യാ​തി ലോ​ക​ത്തി​ന്​ മു​ന്നി​ലെ​ത്തി​ച്ച ദേ​ശീ​യ ടീം ​കോ​ച്ച്​ പു​ല്ലേ​ല ഗോ​പി​ച​ന്ദാ​ണ്​ മു​ഖ്യാ​തി​ഥി​യാ​യെ​ത്തു​ന്ന​ത്. ഒ​രു സെ​റ്റ്​ പി​ന്നി​ൽ നി​ൽ​ക്കു​മ്പോ​ഴും എ​ങ്ങ​നെ പൊ​രു​തി​ക്ക​യ​റാം എ​ന്ന്​ ശി​ഷ്യ​ർ​ക്ക്​ പ​റ​ഞ്ഞു​കൊ​ടു​ക്കു​ന്ന ഗോ​പി​ച​ന്ദി​ന്‍റെ വാ​ക്കു​ക​ൾ കു​ട്ടി​ക​ൾ​ക്ക്​ മു​ത​ൽ​ക്കൂ​ട്ടാ​കു​മെ​ന്ന്​ ഉ​റ​പ്പ്. മ​ന​സ്സി​ന്‍റെ മാ​ന്ത്രി​ക​ത​യെ​പ്പ​റ്റി​യാ​യി​രി​ക്കും പ്ര​ശ​സ്ത മ​ജീ​ഷ്യ​ൻ ഗോ​പി​നാ​ഥ്​ മു​തു​കാ​ട്​ സം​സാ​രി​ക്കു​ക. പ്ര​ഫ​ഷ​ന​ൽ മാ​ജി​ക്കി​ൽ​നി​ന്ന്​ വി​ട്ടു​നി​ൽ​ക്കു​ന്ന അ​ദ്ദേ​ഹം ത​ന്‍റെ മാ​ന്ത്രി​ക​വാ​ക്കു​ക​ളി​ലൂ​ടെ കു​ട്ടി​ക​ളു​ടെ​യും ര​ക്ഷി​താ​ക്ക​ളു​ടെ​യും ഉ​ള്ളി​ൽ ക​യ​റി​ക്കൂ​ടും.

ടെ​ക്​ സം​രം​ഭ​ക​നും നി​ക്ഷേ​പ​ക​നും ടി.​വി അ​വ​താ​ര​ക​നു​മാ​യ അ​വെ​ലോ റോ​യ്​ സാ​​ങ്കേ​തി​ക വി​ദ്യ​യു​ടെ പു​തു​പാ​ഠ​ങ്ങ​ൾ പ​ക​ർ​ന്നു​ന​ൽ​കും. ഈ ​മേ​ഖ​ല​യി​ലെ പു​തി​യ സാ​ധ്യ​ത​ക​ൾ അ​ദ്ദേ​ഹ​ത്തി​ൽ​നി​ന്ന്​ വാ​യി​ച്ചെ​ടു​ക്കാം. സൈ​ബ​ർ ലോ​ക​ത്തെ സാ​ധ്യ​ത​ക​ൾ വി​വ​രി​ക്കു​ന്ന​തി​നൊ​പ്പം ച​തി​​ക്കു​ഴി​ക​ളി​ൽ വീ​ണു​പോ​കാ​തി​രി​ക്കാ​നു​ള്ള നി​ർ​ദേ​ശ​ങ്ങ​ളും ഡോ. ​ധ​ന്യ മേ​നോ​നി​ൽ​നി​ന്ന്​ പ്ര​തീ​ക്ഷി​ക്കാം. എ​ജു ഡോ​ക്ട​റും സോ​ഷ്യോ കൊ​ഗ്​​നി​റ്റി​വ്​ ഡെ​വ​ല​പ്​​മെ​ന്‍റ്​ സ്​​പെ​ഷ്യ​ലി​സ്റ്റു​മാ​യ മ​ദി​ഹ അ​ഹ്​​മ​ദും ഹ്യൂ​മ​ൻ ട്രാ​ൻ​സ്​​പോ​ർ​മേ​ഷ​ന​ൽ ആ​ർ​ക്കി​ടെ​ക്ടും പ്ര​ചോ​ദ​ക പ്ര​ഭാ​ഷ​ക​നു​മാ​യ മ​ഹ്​​റൂ​ഫ്​ സി.​എ​മ്മും ബി​സി​ന​സ്​ ക​ൺ​സ​ൾ​ട്ട​ന്‍റ്​ രാം ​കു​മാ​ർ കൃ​ഷ്ണ മൂ​ർ​ത്തി​യു​മെ​ല്ലാം വി​ദ്യാ​ർ​ഥി​ക​ൾ​ക്കും അ​ധ്യാ​പ​ക​ർ​ക്കും ര​ക്ഷി​താ​ക്ക​ൾ​ക്കും ഒ​രു​പോ​ലെ പ്ര​യോ​ജ​ന​പ്പെ​ടു​ന്ന മാ​ർ​ഗ​നി​ർ​ദേ​ശ​ങ്ങ​ൾ ന​ൽ​കും. ഇ​ന്ത്യ​യി​ലെ​യും വി​ദേ​ശ​ത്തെ​യും പ്ര​മു​ഖ യൂ​നി​വേ​ഴ്​​സി​റ്റി​ക​ളും വി​ദ്യാ​ഭ്യാ​സ സ്ഥാ​പ​ന​ങ്ങ​ളും പ​​ങ്കെ​ടു​ക്കു​ന്നു​ണ്ട്. ഞായറാഴ്ച രാ​വി​ലെ 9.30 മുതൽ ര​ജി​സ്​​ട്രേ​ഷ​ൻ ആ​രം​ഭി​ക്കും.

സ​മ്മാ​ന​ങ്ങ​ളു​ടെ പെ​രു​മ​ഴ പെ​യ്യു​ന്ന വി​ദ്യാ​ഭ്യാ​സ മേ​ള​കൂ​ടി​യാ​ണി​ത്. ചെ​ല​വേ​റി​യ വി​ദ്യാ​ഭ്യാ​സ ആ​പ്പു​ക​ളും ടെ​സ്റ്റു​ക​ളും സൗ​ജ​ന്യ​മാ​യി ന​ൽ​കു​ന്ന​തി​നൊ​പ്പം ആ​പ്പി​ൾ എ​യ​ർ​പോ​ഡു​ക​ൾ, ബ്രാ​ൻ​ഡ​ഡ്​ വാ​ച്ചു​ക​ൾ, ജെ.​ബി.​എ​ൽ സ്​​പീ​ക്ക​റു​ക​ൾ, ഗി​ഫ്​​റ്റ്​ വൗ​ച്ച​റു​ക​ൾ, ഡി​സ്കൗ​ണ്ട്​ കൂ​പ്പ​ണു​ക​ൾ, ഗാ​ഡ്​​ജെ​റ്റു​ക​ൾ, ലേ​ർ​ണി​ങ്​ ആ​പ്പു​ക​ൾ തു​ട​ങ്ങി നൂ​റി​ലേ​റെ സ​മ്മാ​ന​ങ്ങ​ളും വി​ദ്യാ​ർ​ഥി​ക​ളെ കാ​ത്തി​രി​ക്കു​ന്നു​ണ്ട്.