രാഹുല്
മീനങ്ങാടി: വാഹന പരിശോധന നടത്തുന്നതിനിടെ പൊലീസ് ഉദ്യോഗസ്ഥരെ ആക്രമിക്കുകയും ജോലി തടസ്സപ്പെടുത്തുകയും ചെയ്ത സംഭവത്തില്‍ കൃഷ്ണഗിരി കാരായന്‍കുന്ന് കെ.ആര്‍. രാഹുലിനെ (26) അറസ്റ്റ് ചെയ്തു. പൊലീസ് ഉദ്യോഗസ്ഥരെ ആക്രമിച്ച് കൃത്യനിര്‍വഹണം തടസ്സപ്പെടുത്തിയതിനെതിരെ വിവിധ വകുപ്പുകള്‍ പ്രകാരമാണ് കേസെടുത്തത്. കോടതിയില്‍ ഹാജരാക്കിയ പ്രതിയെ റിമാൻഡ് ചെയ്തു.
ലഹരി വസ്തുക്കളുടെ ഉപയോഗവും വിപണനവും തടയുക എന്ന ലക്ഷ്യത്തോടെ മീനങ്ങാടി പൊലീസ് ടൗണില്‍ പരിശോധന നടത്തുന്നതിനിടെ വെള്ളിയാഴ്ച വൈകീട്ട് ആറോടെയാണ് സംഭവം.
വാഹന പരിശോധനക്കിടെ സ്‌കൂട്ടറില്‍ സഞ്ചരിക്കുകയായിരുന്ന രാഹുലിനെ തടഞ്ഞുനിര്‍ത്തി വിലാസവും മറ്റും ചോദിച്ചറിയുന്നതിനിടയില്‍ ഇയാള്‍ പൊലീസിനെ അസഭ്യം പറയുകയും കൈ ഉപയോഗിച്ചും ഹെല്‍മറ്റ് ഉപയോഗിച്ചും ആക്രമിച്ചതുമായാണ് പരാതി.
ഇയാള്‍ മുമ്പ് ലഹരിവസ്തു വില്‍പനയുള്‍പ്പെടെ വിവിധ കേസുകളില്‍ പ്രതിയാണെന്ന് പൊലീസ് പറഞ്ഞു. സംഭവസമയം പ്രതി ലഹരി ഉപയോഗിച്ചിരുന്നോ എന്നുള്ളതടക്കം അന്വേഷിച്ചുവരുന്നതായും പൊലീസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.