ഗുരുവായൂരിൽ മോഷണം നടന്ന വീട്ടിൽ വിരലടയാള വിദഗ്ധർ പരിശോധന നടത്തുന്നു
ഗുരുവായൂര്‍: നളന്ദ ജങ്ഷന് സമീപം ആളില്ലാത്ത വീട്ടിൽ കവർച്ച. ഗൗരി നിവാസില്‍ ഗണേഷിന്റെ വീട്ടിലാണ് സംഭവം. പുതിയ എല്‍.ഇ.ഡി ടി.വി.യും ഇലക്ട്രോണിക് ഉപകരണങ്ങളുമാണ് കവർന്നത്. ഗണേഷും കുടുംബവും ഗള്‍ഫിലായതിനാൽ വീട് പൂട്ടിയിട്ടിരിക്കുകയായിരുന്നു.
അയല്‍വാസി ഷാജിയുടെ ഓട്ടോറിക്ഷ രാത്രി ഈ വീടിന്റെ മുന്നിലാണ് കയറ്റിയിടുന്നത്. ഓട്ടോയിൽനിന്ന് സ്‌ക്രൂ ഡ്രൈവറും മറ്റു ഉപകരണങ്ങളുമെടുത്ത് വീടിന്റെ മുന്‍ഭാഗത്തെ ഇരുമ്പു വാതില്‍ കുത്തിതുറന്നാണ് മോഷണം നടത്തിയത്. വെള്ളിയാഴ്ച രാവിലെ ഓട്ടോ എടുക്കാനെത്തിയപ്പോൾ സ്‌ക്രൂ ഡ്രൈവര്‍ പുറത്തു കിടക്കുന്നതു കണ്ടപ്പോഴാണ് സംഭവം ശ്രദ്ധിച്ചത്.
എല്ലാ മുറികളിലെയും അലമാര കുത്തിതുറന്ന് സാധനങ്ങളെല്ലാം പുറത്തേക്കിട്ട നിലയിലായിരുന്നു. ഹാളിലെ ടി.വിയാണ് നഷ്ടപ്പെട്ടത്. ടെമ്പിള്‍ സ്റ്റേഷൻ ഇൻസ്പെക്ടർ സി. പ്രേമാനന്ദകൃഷ്ണന്‍, എസ്.ഐ ബാലകൃഷ്ണൻ എന്നിവരും വിരലടയാള വിദഗ്ധരും സ്ഥലത്തെത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.