എടവണ്ണ: എടവണ്ണ പൊലീസ് സ്റ്റേഷൻ പരിധിയിൽ പ്രായപൂർത്തിയാവാത്ത പെൺകുട്ടിയെ പീഡിപ്പിച്ച കേസിൽ രണ്ടുപേർ പിടിയിൽ. പെൺകുട്ടിയുടെ പിതൃസഹോദരനെയും ബന്ധുവിനെയുമാണ് എടവണ്ണ പൊലീസ് അറസ്റ്റ് ചെയ്തത്. 2015 -16 കാലഘട്ടത്തിലാണ് പ്രതികൾ പെൺകുട്ടിയെ പീഡനത്തിന് ഇരയാക്കിയത്. വീട്ടിൽ ആളില്ലാത്ത സമയത്ത് ബന്ധുക്കളായ കേസിലെ പ്രതികൾ വീട്ടിലെത്തി കുട്ടിയെ പലതവണ പീഡിപ്പിച്ചു എന്നാണ് കേസ്.
പെൺകുട്ടിയുടെ കുടുംബത്തിന്‍റെ പരാതിയെ തുടർന്നാണ് എടവണ്ണ പൊലീസ് കേസ് എടുത്തത്. തുടർന്ന് നടത്തിയ അന്വേഷണത്തിലാണ് പ്രതികൾ ശനിയാഴ്ച പിടിയിലായത്. പോക്സോ പ്രകാരം കേസ് രജിസ്റ്റർ ചെയ്ത് മഞ്ചേരി പോക്സോ കോടതിയിൽ ഹാജറാക്കിയ പ്രതികളെ റിമാൻഡ് ചെയ്തു.
കേസിൽ ബന്ധുക്കളായ മറ്റു രണ്ടു പ്രതികൾ കൂടിയുണ്ടെന്ന് പൊലീസ് കണ്ടെത്തിയിട്ടുണ്ട്. ഇവർ വിദേശത്താണെന്നും ഇവർക്കായുള്ള അന്വേഷണം ഊർജിതമാക്കിയതായും പൊലീസ് അറിയിച്ചു. എടവണ്ണ സ്റ്റേഷൻ ഇൻസ്പെക്ടർ സജിത്ത്‌, എസ്.ഐ സുൽഫിക്കർ മുളമ്പാട്ടിൽ, ഗ്രേഡ് എസ്.ഐമാരായ അബ്ദുൽ അസീസ്, കൃഷ്ണനുണ്ണി, എ.എസ്.ഐ സുനിത, സി.പി.ഒമാരായ സിനി, ഇസുദ്ദീൻ, സുഭാഷ്, സതീഷ്, ഷിനോജ് മാത്യു എന്നിവരടങ്ങുന്ന സംഘമാണ് പ്രതികളെ പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.