പരവൂർ: പരാതി പരിഹരിക്കാനെത്തിയ പൊലീസ്‌ ഉദ്യോഗസ്ഥനെയും വാഹനവും ആക്രമിച്ച യുവാവ് പിടിയിലായി. പരവൂർ കോങ്ങാൽ ലാസിം മൻസിലിൽ എസ്. ലാസിം (32) ആണ് പിടിയിലായത്. 30ന് പരവൂർ ചില്ലക്കൽ കോങ്ങാൽ ഭാഗത്തായി ബഹളം നടക്കുന്നെന്ന് ലഭിച്ച വിവരത്തിന്‍റെ അടിസ്ഥാനത്തിൽ സംഭവ സ്ഥലത്തെത്തിയ പൊലീസ്‌ ഉദ്യോഗസ്ഥരെ അസഭ്യം വിളിച്ച് ഇയാൾ ആക്രമിക്കുകയായിരുന്നു.
ഉദ്യോഗസ്ഥർ ഇയാളെ തടയാൻ ശ്രമിച്ചിരുന്നെങ്കിലും സമീപത്തുണ്ടായിരുന്ന വേലിക്കെട്ടിൽനിന്ന് തടി കഷണമെടുത്ത് പൊലീസ്‌ വാഹനത്തിൽ അടിച്ച് കേടുപാട് വരുത്തി. പരവൂർ ഇൻസ്പെക്ടർ എ. നിസാറിന്‍റെ നേതൃത്വത്തിൽ ഇയാളെ പൊലീസ്‌ വാഹനം നശിപ്പിച്ചതിന് പി.ഡി.പി.പി ആക്ട് പ്രകാരം അറസ്റ്റ് ചെയ്യുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.