പൊലീസിനെ വെട്ടിച്ച് ഓടിയ പ്രതിയെ പിടികൂടി

മു​ട്ടം: ജ​യി​ലി​ന്​ മു​ന്നി​ൽ​നി​ന്ന്​ പൊ​ലീ​സി​നെ വെ​ട്ടി​ച്ച് ഓ​ടി​യ പ്ര​തി​യെ പി​ടി​കൂ​ടി. ജി​ല്ല ജ​യി​ലി​ലെ ത​ട​വു​കാ​ര​ൻ എ​റ​ണാ​കു​ളം കു​ട്ട​മ്പു​ഴ മാ​മ​ല​ക്ക​ണ്ടം സ്വ​ദേ​ശി പാ​റ​ക്ക​ൽ മു​ത്തു രാ​മ​കൃ​ഷ്ണ​നാ​ണ് (20) ചൊ​വ്വാ​ഴ്ച ഉ​ച്ച​ക​ഴി​ഞ്ഞ് 12.30ന് ​ഓ​ടി​ര​ക്ഷ​പ്പെ​ടാ​ൻ ശ്ര​മി​ച്ച​ത്.

പ്ര​തി​യെ മൂ​വാ​റ്റു​പു​ഴ കോ​ട​തി​യി​ൽ കേ​സി‍െൻറ വി​ചാ​ര​ണ​ക്ക് കൊ​ണ്ടു​പോ​യി തി​രി​കെ​വ​രു​മ്പോ​ൾ ജി​ല്ല കോ​ട​തി​ക്ക് സ​മീ​പ​ത്തു​വെ​ച്ച്​ കൂ​ടെ​യു​ണ്ടാ​യി​രു​ന്ന പൊ​ലീ​സി​നെ ക​ബ​ളി​പ്പി​ച്ച് ഓ​ടി​ര​ക്ഷ​പ്പെ​ടാ​ൻ ശ്ര​മി​ക്കു​കാ​യി​രു​ന്നു. പോ​ക്‌​സോ കേ​സി​ൽ മൂ​വാ​റ്റു​പു​ഴ സ​ബ് ജ​യി​ലി​ൽ റി​മാ​ൻ​ഡ് പ്ര​തി​യാ​യി​രു​ന്നു ഇ​യാ​ൾ. മൂ​വാ​റ്റു​പു​ഴ സ​ബ് ജ​യി​ലി​ൽ സ്ഥ​ല​പ​രി​മി​തി​യെ തു​ട​ർ​ന്നാ​ണ് ക​ഴി​ഞ്ഞ ആ​റി​ന് ഇ​യാ​ളെ മു​ട്ടം ജി​ല്ല കോ​ട​തി​യി​ലേ​ക്ക് മാ​റ്റി​യ​ത്.

വി​ഡി​യോ കോ​ൺ​ഫ​റ​ൻ​സി​ലൂ​ടെ​യാ​ണ് വി​ചാ​ര​ണ ന​ട​ത്തി​യി​രു​ന്ന​ത്. നേ​രി​ട്ട് ഹാ​ജ​രാ​ക്കാ​ൻ പ​റ​ഞ്ഞ​തി​നെ തു​ട​ർ​ന്നാ​ണ് ഇ​യാ​ളെ ചൊ​വ്വാ​ഴ്ച എ.​ആ​ർ ക്യാ​മ്പി​ലെ ര​ണ്ട് പൊ​ലീ​സു​കാ​ർ​ക്കൊ​പ്പം മൂ​വാ​റ്റു​പു​ഴ കോ​ട​തി​യി​ലേ​ക്ക് അ​യ​ച്ച​ത്. ജി​ല്ല ജ​യി​ലി‍െൻറ മു​ന്നി​ലു​ള്ള റോ​ഡ്​ ക​ട​ന്ന്​ റ​ബ​ർ തോ​ട്ട​ത്തി​ലൂ​ടെ ഓ​ടി​യ ഇ​യാ​ളെ പൊ​ലീ​സും ജ​യി​ൽ ജീ​വ​ന​ക്കാ​രും ചേ​ർ​ന്നാ​ണ് പി​ടി​കൂ​ടി​യ​ത്.