ശശിധരൻ, ഷിബു, മണിക്കുട്ടൻ
മുണ്ടക്കയം: പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ മൂന്നുപേരെ പൊലീസ് അറസ്റ്റ് ചെയ്തു. കോരുത്തോട് കുഴിമാവ് അരീക്കത്തറ വീട്ടിൽ ശശിധരൻ (68), കോരുത്തോട് വയലേറ്റുപറമ്പിൽ വീട്ടിൽ ഷിബു (38), കോരുത്തോട് വാഴക്കാലായിൽ വീട്ടിൽ മണിക്കുട്ടൻ (40) എന്നിവരെയാണ് മുണ്ടക്കയം പൊലീസ് അറസ്റ്റ് ചെയ്തത്.
പെരുമാറ്റത്തിൽ അസ്വാഭാവികത തോന്നിയതിനെ തുടർന്ന് അധ്യാപകർ ചൈൽഡ് ലൈൻവഴി കൗൺസലിങ്ങിന് വിധേയമാക്കുകയും തുടർന്ന് പെൺകുട്ടി പീഡനവിവരം പുറത്തുപറയുകയുമായിരുന്നു. തുടര്ന്ന് മുണ്ടക്കയം പൊലീസ് കേസ് രജിസ്റ്റർ ചെയ്യുകയും ഷിബു, മണിക്കുട്ടൻ എന്നിവരെ അറസ്റ്റ് ചെയ്യുകയും ചെയ്തു. ശശിധരൻ ഒളിവിൽ പോകുകയും തുടർന്ന് അന്വേഷണ സംഘം തിരുവനന്തപുരത്തുനിന്ന് പിടികൂടുകയുമായിരുന്നു.
മുണ്ടക്കയം എസ്.എച്ച്.ഒ എ. ഷൈൻ കുമാര്, സി.പി.ഒമാരായ ശരത്ചന്ദ്രൻ, എ.ജെ. ജോൺസൺ, ബി. ശ്രീജിത്ത്, രഞ്ജിത്ത് എസ്. നായർ, പി.ടി. രഞ്ജിത്ത്, റോബിൻ തോമസ് എന്നിവരടങ്ങുന്ന സംഘമാണ് അന്വേഷണസംഘത്തിൽ ഉണ്ടായിരുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.