കക്കാടംപൊയിൽ വാളംതോട് കോഴിപ്പാറ ഒറ്റതെങ്ങുങ്കൽ മാത്യുവിന്റെ വീട്ടുമുറ്റത്തെത്തിയ പുലി (സി.സി.ടി.വി ദൃശ്യം)
തിരുവമ്പാടി: കക്കാടംപൊയിൽ ജനവാസകേന്ദ്രത്തിൽ പുലിയിറങ്ങി. കക്കാടംപൊയിൽ വാളംതോട് കോഴിപ്പാറ ഒറ്റതെങ്ങുങ്കൽ മാത്യുവിന്റെ വീട്ടുമുറ്റത്താണ് ശനിയാഴ്ച പുലർച്ചെ പുലിയെത്തിയത്. പുലി രണ്ട് നായ്ക്കളെ ഓടിക്കുന്ന ദൃശ്യങ്ങൾ വീട്ടിലെ സി.സി.ടി.വിയിൽ തെളിഞ്ഞതോടെയാണ് പുലി സാന്നിധ്യം സ്ഥിരീകരിച്ചത്.
ഇതാദ്യമായാണ് പ്രദേശത്ത് പുലിയിറങ്ങുന്നത്. കോഴിക്കോട് -മലപ്പുറം ജില്ല അതിർത്തിയായ കോഴിപ്പാറ മലപ്പുറം ജില്ലയിൽ ഉൾപ്പെടുന്ന പ്രദേശമാണ്. പുലിക്കായി വനംവകുപ്പ് അധികൃതർ തിരച്ചിൽ തുടങ്ങി. പുലി സാന്നിധ്യമറിഞ്ഞതോടെ പ്രദേശവാസികൾ ആശങ്കയിലാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.