പ്രേക്ഷകർ ആവേശത്തോടെ കാത്തിരിക്കുന്ന ജീത്തു ജോസഫ് - മോഹൻലാൽ ചിത്രം ദൃശ്യം 2െൻറ ടീസർ പുറത്തുവിട്ടു. ആമസോൺ പ്രൈം വിഡിയോ ആണ് ടീസർ റിലീസ് ചെയ്തിരിക്കുന്നത്. പ്രൈമിലൂടെ 2021ൽ ചിത്രം ലോക പ്രീമിയറായി സ്ട്രീം ചെയ്യും.
പുതുവർഷത്തിെൻറ ആദ്യ മിനിറ്റിൽ തന്നെയെത്തിയ ടീസർ ഏറെ ആകാംക്ഷയും ത്രില്ലിങ്ങും സമ്മാനിക്കുന്നതാണ്. രാജ്യമൊട്ടാകെ ചർച്ചയായി മാറിയ ദൃശ്യം തിയറ്ററുകളിലെത്തിയിട്ട് ഏഴ് വർഷങ്ങൾ പിന്നിട്ട സാഹചര്യത്തിലാണ് അതിെൻറ രണ്ടാം ഭാഗം എത്തുന്നത്. തിയറ്ററിന് പകരം ഒടിടി പ്ലാറ്റ്ഫോമിലെത്തുേമ്പാൾ രാജ്യമൊട്ടാകെയുള്ള പ്രേക്ഷകർ വീട്ടിലിരുന്ന് തന്നെ ജോർജ്കുട്ടിയുടേയും കുടുംബത്തിെൻറയും പോരാട്ടം വീക്ഷിക്കും.
ആശിര്‍വാദ്‌ സിനിമാസിന്റെ ബാനറില്‍ ആന്റണി പെരുമ്പാവൂരാണ്‌ ദൃശ്യം 2 നിര്‍മ്മിച്ചിരിക്കുന്നത്‌. മീന, സിദ്ദിഖ്‌, ആശ ശരത്‌, മുരളി ഗോപി, അന്‍സിബ ഹസ്സൻ, എസ്തർ അനിൽ, സായികുമാര്‍, കെ.ബി ഗണേഷ് കുമാർ, ജോയ് മാത്യു, അനീഷ് ജി നായർ, അഞ്ജലി നായർ എന്നിവരാണ് ചിത്രത്തിലെ മറ്റു താരങ്ങൾ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.