ലാൽ ജോസ് സംവിധാനം ചെയ്ത് സൗബിൻ ഷാഹിറും മംമ്ത മോഹൻദാസും കേന്ദ്ര കഥാപാത്രങ്ങളാകുന്ന 'മ്യാവു' എന്ന ചിത്രത്തിന്റെ രസകരമായ ട്രെയിലർ പുറത്തുവിട്ടു. മമ്മൂട്ടി, മോഹൻലാൽ, പൃഥ്വിരാജ്, ദുൽഖർ സൽമാൻ എന്നീ താരങ്ങൾ സമൂഹ മാധ്യമങ്ങളിലൂടെയാണ് ട്രെയ്‌ലർ റിലീസ് ചെയ്തത്.
ക്രിസ്മസ് റിലീസായാണ് ഡിസംബർ 24നാണ് ചിത്രം പ്രേക്ഷകർക്ക് മുന്നിലെത്തുക. സൗബിനും മംമ്ത മോഹന്‍ദാസിനും പുറമേ സലിംകുമാര്‍, ഹരിശ്രീ യൂസഫ് മൂന്ന് കുട്ടികൾ പിന്നെ ഒരു പൂച്ച തുടങ്ങിയവരാണ് ചിത്രത്തിലെ മറ്റു കഥാപാത്രങ്ങള്‍. ആലുവക്കാരനായ ഗ്രോസറി നടത്തിപ്പുകാരന്‍ ദസ്‍തഗീറിന്‍റെയും ഭാര്യയുടെയും മൂന്ന് മക്കളുടെയും കഥയാണ് 'മ്യാവു'.
ഡോ ഇക്ബാല്‍ കുറ്റിപ്പുറമാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. അറബിക്കഥ, ഡയമണ്ട് നെക്ളയ്സ്, വിക്രമാദിത്യന്‍ എന്നീ ചിത്രങ്ങൾക്ക് ശേഷം ഇക്ബാൽ കുറ്റിപ്പുറവും ലാൽ ജോസും ഒന്നിക്കുന്ന ചിത്രമാണ് മ്യാവു. തോമസ് തിരുവല്ല ഫിലിംസിന്‍റെ ബാനറില്‍ തോമസ് തിരുവല്ലയാണ് മ്യാവു നിർമിച്ചിരിക്കുന്നത്. ഛായാഗ്രഹണം അജ്‍മല്‍ ബാബു. എഡിറ്റിംഗ് രഞ്ജന്‍ എബ്രഹാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.