സൽമാൻ ഖാനെ കുറിച്ച് പ്രചരിക്കുന്ന കിംവദന്തികൾ ശരിയോ? യൂലിയയുടെ പിറന്നാളിന് സഹോദരന്മാരോടൊപ്പം നടൻ

ബോളിവുഡിലെ ക്രോണിക് ബാച്ച്‌ലറാണ് സൽമാൻ ഖാൻ. നടന്റെ വിവാഹവും പ്രണയവുമെല്ലാം ബോളിവുഡ് കോളങ്ങളിലെ സ്ഥിരം വാർത്ത‍യാണ്. 56 വയസുളള സൽമാൻ ഖാൻ ഇപ്പോഴും അവിവാഹിതനായി തുടരുന്നത് തുടർച്ചയായുള്ള പ്രണയ തകർച്ചയാണെന്നാണ് ബോളിവുഡിൽ പ്രചരിക്കുന്ന ശ്രുതി.

നിലവിൽ ഗായികയും നടിയുമായ യൂലിയാ വാന്റ്വറിനോടൊപ്പമാണ് സൽമാൻ ഖാന്റ പേര് വാർത്തകളിൽ ഇടംപിടിക്കുന്നത്. താരങ്ങൾ തുറന്ന് സമ്മതിച്ചിട്ടില്ലെങ്കിലും ഇരുവരും പ്രണയത്തിലാണെന്നുളള കിംവദന്തികൾ ബോളിവുഡിൽ പ്രചരിക്കുന്നുണ്ട്.

പ്രചരിക്കുന്ന കിംവദന്തികൾ ശരി വക്കുന്ന തരത്തിലുള്ള വാർത്തയാണ് ഇപ്പോൾ  പുറത്തു വരുന്നത്.

യൂലിയയുടെ പിറന്നാൾ ആഘോഷിക്കാൻ കുടുംബസമേതം എത്തിയിരിക്കുകയാണ് സൽമാൻ. കഴിഞ്ഞ ഞായറാഴ്ചയായിരുന്ന പിറന്നാൾ. സാൽമാൻ ഖാനും സഹോദരൻ സൊഹേൽ ഖാനും സഹോദരി ഭർത്താവ് ആയുഷ് ശർമയുമാണ് പിറന്നാൾ ആഘോഷത്തിനായി എത്തിയത്. താരങ്ങൾ പങ്കെടുത്ത പിറന്നാൾ ആഘോഷത്തിന്റെ ചിത്രങ്ങൾ സോഷ്യൽ മീഡിയയിൽ വൈറലാണ്.

സൽമാൻ ഖാന്റെ കുടുംബത്തിനോടൊപ്പം മ്യൂസിക് കമ്പോസർ സാജിദും ഉണ്ടായിരുന്നു. പിറന്നാൾ ആഘോഷത്തിന്റെ ചിത്രം ആയുഷ് ശർമ ഇൻസ്റ്റഗ്രാമിൽ സ്റ്റോറിയായി പങ്കുവെച്ചിട്ടുണ്ട്. പിറന്നാൾ ആശംസക്കൊപ്പമാണ് ചിത്രം പങ്കുവെച്ചത്.'യൂലിയ നിനക്ക് ജന്മദിനാശംസകൾ നേരുന്നു. നീ എപ്പോഴും പുഞ്ചിരിച്ചുകൊണ്ട് സന്തോഷം പകരട്ടെ' - ചിത്രത്തിനോടൊപ്പം കുറിച്ചു.

യൂലിയയും പിറന്നാൾ ആഘോഷത്തിന്റെ വീഡിയോ പങ്കുവെച്ചിട്ടിട്ടുണ്ട്.  മനോഹരമായ പിറന്നാൾ ആയിരുന്നു ഇത്തവണത്തേത് എന്നാണ്  താരം സോഷ്യൽ മീഡിയയിൽ കുറിച്ചത്.