മനാമ: ഫ്രൻഡ്സ് സോഷ്യൽ അസോസിയേഷൻ വനിത വിഭാഗം പ്രസിഡന്‍റ് സമീറയുടെ ഭർത്താവ് മക്കാട്ട് മീത്തൽ നൗഷാദിന്‍റെ വേർപാടിൽ ഫ്രൻഡ്സ് അസോസിയേഷൻ അനുശോചിച്ചു.
ഏതാനും ദിവസത്തേക്ക് നാട്ടിൽ പോയതായിരുന്നു അദ്ദേഹം. ഫ്രന്‍ഡ്സ് അസോസിയേഷന്‍റെ പ്രവർത്തനങ്ങളിൽ സഹകാരി കൂടിയായിരുന്ന അദ്ദേഹത്തിന്‍റെ വേർപാടിൽ ദുഃഖമനുഭവിക്കുന്ന കുടുംബത്തിനും സുഹൃത്തുക്കൾക്കും ക്ഷമയും സ്ഥൈര്യവും പ്രദാനം ചെയ്യട്ടെയെന്നും മരണാനന്തരമുള്ള അദ്ദേഹത്തിന്‍റെ ജീവിതം സ്വർഗീയമാകട്ടെയെന്ന് പ്രാർഥിക്കുകയും ചെയ്തു.
ഫ്രന്‍ഡ്സ് പ്രസിഡന്‍റ് സുബൈർ എം.എമ്മിന്‍റെ നേതൃത്വത്തിലുള്ള സംഘം അദ്ദേഹത്തിന്‍റെ വീട്ടിൽ സന്ദർശനം നടത്തുകയും കുടുംബാംഗങ്ങളെ ആശ്വസിപ്പിക്കുകയും ഖബറടക്ക ചടങ്ങുകളിൽ പങ്കെടുക്കുകയും ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.