നെടുമുടി വേണു
ഫ്രൻഡ്സ് സോഷ്യൽ അസോസിയേഷൻ
മനാമ: നെടുമുടി വേണുവിെൻറ വേർപാട് മലയാള സിനിമ ലോകത്തിന് നികത്താനാവാത്ത നഷ്ടമാണെന്ന് ഫ്രൻഡ്സ് സോഷ്യൽ അസോസിയേഷൻ കലാ വേദി അനുശോചന സന്ദേശത്തിൽ പറഞ്ഞു. അഭിനയ രംഗത്ത് അരനൂറ്റാണ്ട് പിന്നിട്ട അതുല്യ പ്രതിഭ അഞ്ഞൂറിലധികം സിനിമകളിൽ വ്യത്യസ്ത കഥാപാത്രങ്ങളിലൂടെ മലയാളികളുടെ മനസ്സിൽ അമരത്വം നേടിയിട്ടുണ്ട്. ദേശീയ പുരസ്‍കാരമടക്കം നിരവധി അംഗീകാരങ്ങൾ അദ്ദേഹത്തെ തേടിയെത്തി. നാടക രംഗത്തുനിന്ന് സിനിമയിലെത്തുകയും സംവിധായക റോളടക്കം നിർവഹിക്കുകയും സാംസ്കാരിക മേഖലയിൽ സജീവമാവുകയും ചെയ്ത അദ്ദേഹത്തിെൻറ സംഭാവനകൾ മറക്കാനാവാത്തതാണെന്നും അനുശോചന സന്ദേശത്തിൽ പറഞ്ഞു.
ബഹ്റൈന്‍ലാല്‍കെയേഴ്സ്
മനാമ: നെടുമുടി വേണുവിെൻറ നിര്യാണത്തില്‍ ബഹ്റൈന്‍ ലാല്‍കെയേഴ്സ് അനുശോചനം രേഖപ്പെടുത്തി. അനായാസമായ അഭിനയംകൊണ്ട് മലയാളികളുടെ മനസ്സ് കീഴടക്കിയ അതുല്യ പ്രതിഭയായിരുന്നു നെടുമുടി വേണുവെന്നും അദ്ദേഹത്തിെൻറ മരണം മലയാളസിനിമക്ക് കനത്ത നഷ്ടമാണെന്നും ബഹ്റൈന്‍ ലാല്‍കെയേഴ്സ് കോഒാഡിനേറ്റര്‍ ജഗത് കൃഷ്ണകുമാര്‍, പ്രസിഡൻറ് എഫ്.എം. ഫൈസല്‍, സെക്രട്ടറി ഷൈജു കന്‍പ്രത്ത് എന്നിവര്‍ അനുശോചന സന്ദേശത്തിൽ പറഞ്ഞു.
ഫ്രറ്റേണിറ്റി ഓഫ് എറണാകുളം ഡിസ്ട്രിക്ട്
മനാമ: മലയാളത്തിെൻറ മഹാനടൻ നെടുമുടി വേണുവിെൻറ നിര്യാണത്തിൽ എറണാകുളം ജില്ല നിവാസികളുടെ കൂട്ടായ്മയായ ഫ്രറ്റേണിറ്റി ഓഫ് എറണാകുളം ഡിസ്ട്രിക്ട് അനുശോചനം രേഖപ്പെടുത്തി.വ്യത്യസ്തങ്ങളായ വേഷങ്ങൾ അവതരിപ്പിച്ച് അഭിനയത്തിെൻറ കൊടുമുടികൾ കീഴടക്കിയ നെടുമുടി വേണുവിെൻറ വിയോഗം കലാലോകത്തിന് വലിയ നഷ്ടമാണെന്നും അനുശോചന സന്ദേശത്തിൽ പറഞ്ഞു.
ബഹ്റൈൻ കേരള സോഷ്യൽ ഫോറം
മനാമ: നെടുമുടി വേണുവിെൻറ വിയോഗത്തിൽ ബഹ്റൈൻ കേരള സോഷ്യൽ ഫോറം (ബി.കെ.എസ്.എഫ്) അനുശോചിച്ചു. മലയാള സിനിമ ലോകത്ത് സ്വതഃസിദ്ധമായ അഭിനയ ശൈലിയിലൂടെ ചിരപ്രതിഷ്ഠ നേടിയ അദ്ദേഹത്തിെൻറ വിയോഗം കനത്ത നഷ്ടമാണെന്നും ഭാരവാഹികൾ അനുശോചന സന്ദേശത്തിൽ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.