ഐ.വൈ.സി.സി വെബിനാർ
മനാമ: ഐ.വൈ.സി.സി ബഹ്‌റൈൻ ദേശീയ കമ്മിറ്റിയുടെ ആഭിമുഖ്യത്തിൽ ഭരണഘടന സംരക്ഷണ വെബിനാർ സംഘടിപ്പിച്ചു. ഓൾ ഇന്ത്യ കോൺഗ്രസ്‌ കമ്മിറ്റിയുടെ ആഹ്വാന പ്രകാരം, സൂം അപ്ലിക്കേഷൻ വഴിയാണ് പരിപാടി സംഘടിപ്പിച്ചത്. വെബിനാർ ഐ.വൈ.സി.സി ബഹ്‌റൈൻ വൈസ് പ്രസിഡന്റ്‌ അനസ് റഹീമിന്റെ അധ്യക്ഷതയിൽ ഇന്ത്യൻ യൂത്ത് കോൺഗ്രസ്‌ ദേശീയ ജനറൽ സെക്രട്ടറി അഡ്വ. വിദ്യ ബാലകൃഷ്ണൻ ഉദ്ഘാടനം ചെയ്തു.
രാജ്യം ഭരിക്കുന്ന ഫാഷിസ്റ്റ് സർക്കാർ ഇന്ത്യൻ ഭരണഘടനയിലെ അവകാശങ്ങൾ ഹനിക്കുന്ന നിലയിലുള്ള പ്രവർത്തനങ്ങളുമായി മുന്നോട്ടു പോകുന്ന കാഴ്ചയാണ് കാണാൻ സാധിക്കുന്നത്. അത്തരം സന്ദർഭങ്ങളിലൊക്കെ ഇന്ത്യൻ മതേതര, ജനാധിപത്യ നിലപാട് നിലനിർത്തുന്ന രീതിയിൽ ഭരണഘടന സംരക്ഷണവുമായി കോൺഗ്രസ്‌ മുന്നോട്ടുവന്നിട്ടുണ്ട്. ഭരണ ഘടന മൂല്യങ്ങൾ ഉയർത്തി പ്പിടിക്കാൻ രാജ്യവും കോൺഗ്രസും എന്നും പ്രതിജ്ഞാബദ്ധം ആണെന്നും അവർ അഭിപ്രായപ്പെട്ടു.
ഇന്ത്യൻ യൂത്ത് കോൺഗ്രസ്‌ സംസ്ഥാന സെക്രട്ടറി നൗഫൽ എസ്. ചെമ്പകപ്പള്ളി, മഹാത്മാഗാന്ധി കൾച്ചറൽ ഫോറം പ്രതിനിധി ദീപ ജയചന്ദ്രൻ, ഐ.വൈ.സി.സി ബഹ്‌റൈൻ മുൻ പ്രസിഡന്റ്‌ ബേസിൽ നെല്ലിമറ്റം അടക്കമുള്ളവർ ആശംസകൾ നേർന്നു. ദേശീയ ജോയന്റ് സെക്രട്ടറി രാജേഷ് പന്മന സ്വാഗതവും ഐ.ടി - മീഡിയ കൺവീനർ ജമീൽ കണ്ണൂർ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.