മലയാളി ഫെഡറേഷൻ ബഹ്റൈൻ ചാപ്റ്റർ തൊഴിലാളി സഹോദരങ്ങൾക്ക് പെരുന്നാൾ ദിനം ഭക്ഷണം വിതരണം ചെയ്യുന്നു
മനാമ: വിവിധ ഗൾഫ് രാജ്യങ്ങളെ കോർത്തിണക്കിയ ഗൾഫ് മലയാളി ഫെഡറേഷൻ ബഹ്റൈൻ ചാപ്റ്റർ തൊഴിലാളി സഹോദരങ്ങൾക്ക് പെരുന്നാൾ ദിനം ഭക്ഷണം വിതരണം ചെയ്തു. തൂബ്ലിയിലെ തൊഴിലാളി സഹോദരങ്ങൾക്ക് ഹമൂദ് ക്യാമ്പിൽ വെച്ചാണ് ഉച്ചഭക്ഷണം വിതരണം നടത്തിയത്.
ജി.സി.സിയിലുടനീളം ജീവകാരുണ്യ പ്രവർത്തനങ്ങളിലും സാമൂഹിക മേഖലയിലും ഗൾഫ് മലയാളി ഫെഡറേഷൻ സജീവമാണ്. ജി.സി.സിയിലെ ഏത് വിഷയങ്ങൾക്കും നേരിട്ട് കണ്ണികളുള്ള സംഘടനയുടെ കീഴിൽ റമദാൻ മാസത്തിലും നിരവധി കാരുണ്യ പ്രവർത്തനങ്ങൾ നടക്കുന്നുണ്ട്. സാമൂഹ്യ വിഷയങ്ങളിലും സജ്ജരാണ്.
ഭക്ഷണ വിതരണ പരിപാടിയിൽ ബഹ്റൈൻ ചാപ്റ്റൻ ഭാരവാഹികളായ അജീഷ് കെ.വി, നെജീബ് കടലായി, സുരേഷ്, കാസിംപാടത്തെ കായിൽ, അൻവർ കണ്ണൂർ, മാത്യു ജോസഫ്, ജയിംസ് വർഗീസ്, സലാം മമ്പ്ര, വനിതാ ഭാരവാഹികളായ, സുഹറ ശരീഫ്, മേരി വർഗീസ്, ഡെയ്സി ജോസ്, ജൂലിയറ്റ്, ശാരദ വിജയ്, സുമ അനീഷ് എന്നിവർ സഹകരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.