മനാമ: എസ്.കെ.എസ്.എസ്.എഫ് ബഹ്റൈൻ സംഘടിപ്പിക്കുന്ന നാലാമത് മദീന പാഷൻ ഇന്ന് മനാമ സമസ്ത ഓഡിറ്റോറിയത്തിൽ നടക്കും. വൈകീട്ട് നാലിന് രജിസ്റ്റർ ചെയ്തവർക്കായുള്ള ആത്മീയ മജ് ലിസോടെ ആരംഭിക്കുന്ന പരിപാടിയിൽ പ്രവാചക പ്രകീർത്തന മദ്ഹ് ഗാനങ്ങൾ, ബുർദ, ഖവാലി തുടങ്ങിയ വിവിധ പരിപാടികൾ അരങ്ങേറും. തുടർന്ന് രാത്രി 8.30 മുതൽ 11 വരെ നടക്കുന്ന മദീനാ പാഷൻ സമാപന പൊതുസമ്മേളനം സമസ്ത ബഹ്റൈൻ പ്രസിഡന്റ് ഫക്റുദ്ദീൻ സയ്യിദ് പൂക്കോയ തങ്ങൾ ഉദ്ഘാടനംചെയ്യും.
യുവ പണ്ഡിതനും വാഗ്മിയുമായ മുജ്തബ ഫൈസി ആനക്കര മദ്ഹ് പ്രഭാഷണം നടത്തും. സമസ്ത ബഹ്റൈൻ കേന്ദ്ര ഏരിയ നേതാക്കൾ, റേഞ്ച് ജംഇയ്യതുൽ മുഅല്ലിമീൻ നേതാക്കൾ, മറ്റ് ഉസ്താദുമാർ, എസ്.കെ.എസ്.എസ്.എഫ് ഏരിയ കൺവീനർമാർ, വിഖായ അംഗങ്ങൾ, മറ്റു പ്രസ്ഥാന ബന്ധുക്കൾ തുടങ്ങിയവർ പങ്കെടുക്കുമെന്ന് ഭാരവാഹികൾ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.