കുവൈത്ത് സിറ്റി: കുവൈത്തിൽ കഴിഞ്ഞ രണ്ടുമാസത്തിനിടെ ബാങ്ക് അക്കൗണ്ടിൽനിന്ന് പണം നഷ്ടപ്പെട്ട 140 കേസുകൾ റിപ്പോർട്ട് ചെയ്തു.സുരക്ഷാവൃത്തങ്ങളെ ഉദ്ധരിച്ച് അൽ ഖബസ് ദിനപത്രമാണ് റിപ്പോർട്ട് പുറത്തുവിചട്ടത്. ബാങ്കിൽനിന്ന് എന്ന വ്യാജേന ഫോൺ വിളിച്ചും സന്ദേശം അയച്ചുമാണ്തട്ടിപ്പ് സംഘം ബാങ്ക് ഉപഭോക്താക്കളെ കബളിപ്പിക്കുന്നത്. പാസ്വേഡും അക്കൗണ്ട് നമ്പറും മറ്റു വിവരങ്ങളും നൽകിയവരാണ് തട്ടിപ്പിനിരയായത്. ബാങ്ക്നമ്പറിനോട് സാദൃശ്യമുള്ള നമ്പറുകളിൽനിന്ന് വിളിച്ച് സമ്മാനം ലഭിച്ചിട്ടുണ്ടെന്ന് പറഞ്ഞും വിവരങ്ങൾ കൈക്കലാക്കുന്നുണ്ട്. എ.ടി.എം കാർഡ് വിവരങ്ങൾനൽകി മിനിറ്റുകൾക്കകം പണം പിൻവലിക്കപ്പെടും. വാട്സാപ് വഴിയും ഫോൺ മെസേജ് ആയും എ.ടി.എം പുതുക്കാൻ വിവരങ്ങൾ ആവശ്യപ്പെട്ട് വ്യാജസന്ദേശം വരുന്നുണ്ട്.
എ.ടി.എം കാർഡിെൻറ പടം അയക്കാനും ആവശ്യപ്പെടുന്നു. ഇതും തട്ടിപ്പിെൻറ ഭാഗമാണ്. ബാങ്ക് അക്കൗണ്ട് വിവരങ്ങൾ ആർക്കും നൽകരുതെന്നും ബാങ്കിൽനിന്ന് ഇത്തരത്തിൽ സ്വകാര്യ വിവരങ്ങൾ ആവശ്യപ്പെട്ട് വിളിക്കാറില്ലെന്നും സൈബർ ക്രൈം വകുപ്പ് പലതവണ മുന്നറിയിപ്പ് നൽകിയതാണ്. ബാങ്ക് അക്കൗണ്ട് നമ്പർ, പാസ്വേഡ്, ക്രെഡിറ്റ് കാർഡ് സംബന്ധിച്ച വിവരങ്ങൾ എന്നിവ ബാങ്കിൽ നിന്ന് എന്ന വ്യാജേന ആവശ്യപ്പെടുന്നതായ വിവരത്തിെൻറ അടിസ്ഥാനത്തിൽ നേരത്തെ സെൻട്രൽ ബാങ്കും ഉപഭോക്താക്കൾക്ക് മുന്നറിയിപ്പ് നൽകിയിരുന്നു. നൂതന തട്ടിപ്പ് രീതികൾക്കെതിരെ ജാഗ്രത പാലിക്കാൻ തദ്ദേശീയ ബാങ്കുകൾക്ക് കുവൈത്ത് സെൻട്രൽ ബാങ്ക് നേരത്തെ മുന്നറിയിപ്പ് നൽകിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.