കോട്ടയം ജില്ല പ്രവാസി അസോസിയേഷന്‍ ഭാരവാഹികൾ വാർത്താസമ്മേളനത്തിൽ
കുവൈത്ത്‌സിറ്റി: കോട്ടയം ജില്ല പ്രവാസി അസോസിയേഷന്‍ കുവൈത്ത് (കോഡ്പാക്) എട്ടാം വാര്‍ഷികാഘോഷം 'കോട്ടയം ഫെസ്റ്റ് വെള്ളിയാഴ്ച. അബ്ബാസിയ അസ്പയര്‍ ഇന്ത്യന്‍ ഇന്റര്‍നാഷനല്‍ സ്‌കൂളില്‍ വൈകുന്നേരം നാലിന് ആരംഭിക്കുന്ന പരിപാടിയിൽ കോട്ടയം എം.പി ഫ്രാന്‍സിസ് ജോര്‍ജ്, മാണി സി. കാപ്പൻ എം.എല്‍.എ എന്നിവർ പങ്കെടുക്കും.
ലക്ഷ്മി ഗോപാലസ്വാമിയുടെ നൃത്തം, അഖില ആനന്ദ്, അഭിജിത് കൊല്ലം, സാംസണ്‍ സില്‍വ എന്നിവര്‍ നയിക്കുന്ന സംഗീത നിശ, നൃത്താവിഷ്‌കാരം എന്നിവയും ഒരുക്കിയതായി ഭാരവാഹികൾ വാർത്താസമ്മേളനത്തിൽ അറിയിച്ചു.
ആതുര സേവന രംഗത്തെ മികച്ച പ്രവര്‍ത്തനത്തിന് ഏര്‍പ്പെടുത്തിയ അവാര്‍ഡ് മെഡക്സ് സി.ഇ.ഒ മുഹമ്മദ് അലിക്കും, ബിസിനസ് എക്‌സലന്റ് അവാര്‍ഡുകള്‍ റോയല്‍ സീഗല്‍ ചെയര്‍മാന്‍ സുനില്‍ പറക്കപാടത്തിനും, യൂനൈറ്റഡ് ലോജിസ്റ്റിക് കമ്പനി മാനേജിങ് ഡയറക്ടര്‍ സിവി പോളിനും ചടങ്ങിൽ കൈമാറും.
വാര്‍ത്താസമ്മേളനത്തില്‍ കോഡ്പാക് പ്രസിഡന്റ് ഡോജി മാത്യു, ജനറല്‍ സെക്രട്ടറി സുമേഷ് ടി. സുരേഷ്, ട്രഷറര്‍ പ്രജിത് പ്രസാദ്, നിജിന്‍ ബേബി, അനൂപ് സോമന്‍, സെനി നിജിന്‍ എന്നിവര്‍ പരിപാടികള്‍ വിശദീകരിച്ചു. വിജോ കെ. വി, നിധി സുനീഷ്, ജസ്റ്റിന്‍ ജെയിംസ്, ജിത്തു തോമസ്, സിജോ കുര്യന്‍, ബീന വര്‍ഗീസ്, ബുപേഷ്, നിവാസ് ഹംസ, പ്രദീപ് കുമാര്‍, സുബിന്‍ ജോര്‍ജ്, ജിജുമോന്‍ കുര്യന്‍, ബിനു യേശുദാസ്, സാന്ദ്ര രാജു, നക്ഷത്ര എന്നിവരും സന്നിഹിതരായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.