ക്രസന്റ് സെന്റർ വിദ്യാഭ്യാസ അവാർഡ് രക്ഷാധികാരി
മുസ്തഫ കാരി സമ്മാനിക്കുന്നു
കുവൈത്ത് സിറ്റി: സെക്കൻഡറി, ഹയർ സെക്കൻഡറി പരീക്ഷകളിൽ ഉന്നത വിജയം നേടിയ ക്രസന്റ് സെന്റർ അംഗങ്ങളുടെ മക്കൾ, സഹോദരങ്ങൾ എന്നിവർക്ക് ‘ക്രസന്റ് എജുക്കേഷനൽ എംപവർമെന്റ് അവാർഡ്’ വിതരണം ചെയ്തു. ഫർവാനിയ ഫ്രന്റ്‌ലൈൻ ലോജിസ്റ്റിക്സ് മീറ്റിങ് ഹാളിൽ നടന്ന ക്രസന്റ് സെന്റർ പ്രവർത്തക സമിതി യോഗത്തിലാണ് അവാർഡുകൾ കൈമാറിയത്.
സെക്കൻഡറി, ഹയർ സെക്കൻഡറി പരീക്ഷകളിൽ മുഴുവൻ വിഷയങ്ങളിലും എ പ്ലസ്, എ ഗ്രേഡുകൾ നേടിയ അസ്സ ബഷീർ, ആസിയ അനീഷ് മുഹമ്മദ്, ഫാത്തിമ ഹുദ, റിഫ ഫാത്തിമ, കെ.ടി. അലി ഹസ്സൻ, വി.പി. അനാൻ, ഫാരിസ എം, ബാസിം, ആയിശാബി അനീസ് മുഹമ്മദ്, ഹലീമ വി.പി.എം, നാഫില വി.സി, പി. ഷാനിബ എന്നിവർക്കുള്ള സർട്ടിഫിക്കറ്റുകളും കാഷ് അവാർഡുകളും രക്ഷിതാക്കൾ ഏറ്റുവാങ്ങി.ക്രസന്റ് സെന്റർ ഭാരവാഹികളായ മുസ്തഫ കാരി, നൗഷാദ് കക്കറയിൽ, അഷ്റഫ് മണക്കടവൻ, കോയ വളപ്പിൽ, ശരീഫ് ഒതുക്കുങ്ങൽ, സലീം ഹാജി, ഗഫൂർ അത്തോളി, ഇല്യാസ് ബാഹസ്സൻ, ടി.വി. ലത്തീഫ്, മൻസൂർ കുന്നത്തേരി, ഇല്യാസ് പാഴൂർ എന്നിവർ അവാർഡ് വിതരണം ചെയ്തു. പ്രസിഡന്റ്‌ ശരീഫ് ഒതുക്കുങ്ങൽ അധ്യക്ഷത വഹിച്ചു. ജോയന്റ്‌ സെക്രട്ടറി അഷ്റഫ് മണക്കടവൻ സ്വാഗതവും ട്രഷറർ ഇല്യാസ് ബാഹസ്സൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.