സാല്‍മിയ സൂപ്പര്‍ മെട്രോ സന്ദര്‍ശിക്കാനെത്തിയ ഡോ. ജോസഫ് മാര്‍ ഗ്രീഗോറിയോസ് മെത്രാപ്പോലീത്തയെ മെട്രോ മെഡിക്കല്‍ ഗ്രൂപ് ചെയര്‍മാന്‍ മുസ്തഫ ഹംസ സ്വീകരിക്കുന്നു
കുവൈത്ത് സിറ്റി: യാക്കോബായ സഭയുടെ മലങ്കര മെത്രാപ്പോലീത്തന്‍ ട്രസ്റ്റിയും കാതോലിക്കേറ്റ് അസിസ്റ്റന്റുമായ ഡോ. ജോസഫ് മാര്‍ ഗ്രീഗോറിയോസ് മെത്രാപ്പോലീത്ത സാല്‍മിയ സൂപ്പര്‍ മെട്രോ സന്ദര്‍ശിച്ചു. മെട്രോ മെഡിക്കല്‍ ഗ്രൂപ് ചെയര്‍മാന്‍ മുസ്തഫ ഹംസയും എച്ച്.ആര്‍ മാനേജര്‍ ജോയ്‌സും ചേര്‍ന്ന് അദ്ദേഹത്തെ സ്വീകരിച്ചു.
മെട്രോ മെഡിക്കല്‍ ഗ്രൂപ്പിന്റെ പ്രവര്‍ത്തനങ്ങളെക്കുറിച്ചും പ്രവാസികള്‍ക്കുവേണ്ടി ചെയ്യുന്ന ആതുരസേവന രംഗത്തെ മാതൃകാപരമായ ചുവടുവെപ്പുകളെക്കുറിച്ചും സാമൂഹിക പ്രതിബദ്ധതയെക്കുറിച്ചും മനസ്സിലാക്കിയ ഡോ. ജോസഫ് മാര്‍ ഗ്രീഗോറിയോസ് മെത്രാപ്പോലീത്ത മെട്രോ മാനേജ്‌മെന്റിനെ പ്രത്യേകം അഭിനന്ദിച്ചു. ഫഹാഹീലില്‍ ആരംഭിക്കാനിരിക്കുന്ന മെട്രോ മെഡിക്കല്‍ ഗ്രൂപ്പിന്റെ നാലാമത്തെ സ്ഥാപനത്തെക്കുറിച്ചും അടുത്ത മാസം ആദ്യവാരം ആരംഭിക്കുന്ന ഓപറേഷന്‍ തിയറ്ററിനെക്കുറിച്ചും അറിഞ്ഞ അദ്ദേഹം മെട്രോയുടെ വളര്‍ച്ചക്ക് എല്ലാവിധ ഭാവുകങ്ങളും നേര്‍ന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.