ആർപ്പോ... ഇർറോ...; ഓ​ണത്തെ വരവേൽക്കാനൊരുങ്ങി പ്രവാസ ലോകം

കു​വൈ​ത്ത് സി​റ്റി: ഓ​ണം എ​ത്തും​മു​മ്പേ പ്ര​വാ​സ​ലോ​ക​ത്ത് ഓ​ണാ​ഘോ​ഷ​ത്തി​ന് തു​ട​ക്കം. ചൊ​വ്വാ​ഴ്ച​യി​ലെ ഓ​ണ​ദി​വ​സം കു​വൈ​ത്തി​ൽ അ​വ​ധി ഇ​ല്ലാ​ത്ത​തി​നാ​ൽ ഒ​ഴി​വു​ദി​വ​സ​മാ​യ വെ​ള്ളി​യാ​ഴ്ച ത​ന്നെ മ​ല​യാ​ളി​ക​ൾ ആ​ഘോ​ഷ​ത്തി​ന് ആരംഭിച്ചു ക​ഴി​ഞ്ഞു. വ​രു​ന്ന വെ​ള്ളി, ശ​നി ദി​വ​സ​ങ്ങ​ളി​ൽ മ​ല​യാ​ളി കൂ​ട്ടാ​യ്മ​ക​ളു​ടെ​യും സം​ഘ​ട​ന​ക​ളു​ടെ​യും നേ​തൃ​ത്വ​ത്തി​ൽ വി​പു​ല​മാ​യ ആ​ഘോ​ഷ​ങ്ങ​ൾ​ക്ക് തു​ട​ക്ക​മാ​കും. കു​വൈ​ത്തി​ലെ വ​ലു​തും ചെ​റു​തു​മാ​യ എ​ല്ലാ സം​ഘ​ട​ന​ക​ളും ഓ​ണാ​ഘോ​ഷം സം​ഘ​ടി​പ്പി​ക്കു​ന്നു​ണ്ട്.

പ്ര​​വാ​​സ​​ലോ​​ക​​ത്ത്‌ ഓ​​ണാ​​ഘോ​​ഷം മാ​​സ​​ങ്ങ​​ളോ​​ളം തു​​ട​​രു​​ന്ന​​താ​​ണ്. സ്കൂ​ൾ അ​വ​ധി​ക്കാ​ല​മാ​യ​തി​നാ​ൽ നാ​ട്ടി​ലാ​യി​രു​ന്ന ഭൂ​രി​പ​ക്ഷം കു​ടും​ബ​ങ്ങ​ളും തി​രി​ച്ചെ​ത്തി​യി​ട്ടു​ണ്ട്. സെ​പ്റ്റം​ബ​ർ ആ​ദ്യ​വാ​ര​ത്തോ​ടെ മി​ക്ക കു​ടും​ബ​ങ്ങ​ളും തി​രി​കെ എ​ത്തും. ഇ​തോ​ടെ ആ​ഘോ​ഷ​ങ്ങ​ൾ കൂ​ടു​ത​ൽ ക​ള​റാ​കും. സെ​പ്റ്റം​ബ​ർ ആ​ദ്യ വെ​ള്ളി​യാ​ഴ്ച​ത​ന്നെ ഓ​ണാ​ഘോ​ഷ​ങ്ങ​ൾ നി​ര​വ​ധി കൂ​ട്ടാ​യ്മ​ക​ൾ പ്ര​ഖ്യാ​പി​ച്ചി​ട്ടു​ണ്ട്.

ഓ​ണം ക​ണ​ക്കി​ലെ​ടു​ത്ത് ഷോ​പ്പു​ക​ളി​ൽ ഹൈ​പ്പ​ർ മാ​ർ​ക്ക​റ്റു​ക​ളി​ലും പ്ര​ത്യേ​ക ഓ​ണ​ച്ച​ന്ത ഒ​രു​ങ്ങി​ക്ക​ഴി​ഞ്ഞു. വി​വി​ധ ക​ലാ​മ​ത്സ​ര​ങ്ങ​ളും പ​രി​പാ​ടി​ക​ളും മി​ക്ക സ്ഥാ​പ​ന​ങ്ങ​ളും ന​ട​ത്തു​ന്നു​ണ്ട്.

‘വാ​ക്കോ​ണം’ വെ​ള്ളി​യാ​ഴ്ച

കു​വൈ​ത്ത് സി​റ്റി: കു​വൈ​ത്തി​ലെ വ​ളാ​ഞ്ചേ​രി​ക്കാ​രു​ടെ സാം​സ്കാ​രി​ക കൂ​ട്ടാ​യ്മ​യാ​യ വാ​ക്ക് ‘വാ​ക്കോ​ണം- 2023’ എ​ന്ന ത​ല​ക്കെ​ട്ടി​ൽ ഓ​ണാ​ഘോ​ഷം സം​ഘ​ടി​പ്പി​ക്കു​ന്നു. സെ​പ്റ്റം​ബ​ർ ഒ​ന്നി​ന് ഫ​ഹാ​ഹീ​ൽ യൂ​നി​റ്റി ഹാ​ളി​ൽ ന​ട​ക്കു​ന്ന ആ​ഘോ​ഷ​ത്തി​ൽ ഓ​ണ​സ​ദ്യ, വ​ടം​വ​ലി, വാ​ക്ക് അം​ഗ​ങ്ങ​ളു​ടെ ക​ലാ​പ​രി​പാ​ടി​ക​ൾ, കു​വൈ​ത്തി​ലെ പ്ര​മു​ഖ ഗാ​യ​ക​ർ അ​ണി​നി​ര​ക്കു​ന്ന ഗാ​ന​മേ​ള തു​ട​ങ്ങി​യ പ​രി​പാ​ടി​ക​ൾ ഒ​രു​ക്കു​മെ​ന്ന് ഭാ​ര​വാ​ഹി​ക​ൾ അ​റി​യി​ച്ചു. 2016 മു​ത​ൽ കു​വൈ​ത്തി​ൽ പ്ര​വ​ർ​ത്തി​ച്ചു​വ​രു​ന്ന വാ​ക്ക് വി​വി​ധ പ​രി​പാ​ടി​ക​ൾ ന​ട​ത്തി​വ​രു​ന്നു​ണ്ട്. വ​ർ​ഷം​തോ​റും സം​ഘ​ടി​പ്പി​ക്കു​ന്ന ഓ​ണാ​ഘോ​ഷം കൂ​ട്ടാ​യ്മ​യു​ടെ പ്ര​ധാ​ന പ​രി​പാ​ടി​യാ​ണ്.