കു​വൈ​ത്തും പാ​കി​സ്താ​നും മാ​ധ്യ​മ സ​ഹ​ക​ര​ണം വി​ക​സി​പ്പി​ക്കു​ന്നു

കു​വൈ​ത്ത് സി​റ്റി: കു​വൈ​ത്തും പാ​കി​സ്താ​നും മാ​ധ്യ​മ സ​ഹ​ക​ര​ണം വി​ക​സി​പ്പി​ക്കു​ന്നു. ഇ​തി​ന്റെ ഭാ​ഗ​മാ​യി കു​വൈ​ത്ത് ന്യൂ​സ് ഏ​ജ​ൻ​സി (കു​ന) ഡ​യ​റ​ക്ട​ർ ജ​ന​റ​ൽ ഡോ. ​ഫാ​ത്തി​മ അ​ൽ സ​ലിം കു​വൈ​ത്തി​ലെ പാ​കി​സ്താ​ൻ അം​ബാ​സ​ഡ​ർ മാ​ലി​ക് ഫാ​റൂ​ഖു​മാ​യി ച​ർ​ച്ച ന​ട​ത്തി.

മാ​ധ്യ​മ മേ​ഖ​ല​യി​ൽ ഇ​രു​പ​ക്ഷ​വും ത​മ്മി​ലു​ള്ള ബ​ന്ധം വി​ക​സി​പ്പി​ക്കേ​ണ്ട​തി​ന്റെ ആ​വ​ശ്യ​ക​ത ഡോ. ​ഫാ​ത്തി​മ അ​ൽ സ​ലിം കൂ​ടി​ക്കാ​ഴ്ച​യി​ൽ വ്യ​ക്ത​മാ​ക്കി. പാ​കി​സ്താ​ൻ അ​സോ​സി​യേ​റ്റ​ഡ് പ്ര​സു​മാ​യു​ള്ള​ത് അ​ട​ക്കം കി​ഴ​ക്ക്, മ​ധ്യ, ദ​ക്ഷി​ണേ​ഷ്യ​ൻ രാ​ജ്യ​ങ്ങ​ളി​ലെ വാ​ർ​ത്ത ഏ​ജ​ൻ​സി​ക​ളു​മാ​യും മാ​ധ്യ​മ സ്ഥാ​പ​ന​ങ്ങ​ളു​മാ​യും ‘കു​ന’ സേ​വ​ന​ങ്ങ​ളും വാ​ർ​ത്ത ബു​ള്ള​റ്റി​നും വി​ക​സി​പ്പി​ക്കാ​ൻ ല​ക്ഷ്യ​മി​ടു​ന്ന​താ​യും അ​വ​ർ അ​റി​യി​ച്ചു.

മു​മ്പ് ഒ​പ്പി​ട്ട ക​രാ​റു​ക​ളും ധാ​ര​ണ​പ​ത്ര​ങ്ങ​ളും സ​ജീ​വ​മാ​ക്കു​ന്ന​തു വ​ഴി​യാ​ണ് ഇ​ത് സാ​ധ്യ​മാ​ക്കു​ക. ഡി​ജി​റ്റ​ൽ മീ​ഡി​യ​യി​ലെ സ​മീ​പ​കാ​ല വി​കാ​സ​ത്തി​ന്റെ വെ​ളി​ച്ച​ത്തി​ൽ, സം​യു​ക്ത പ​രി​ശീ​ല​ന കോ​ഴ്‌​സു​ക​ളി​ലൂ​ടെ അ​നു​ഭ​വം പ​ങ്കു​വെ​ക്കേ​ണ്ട​തി​ന്റെ പ്രാ​ധാ​ന്യ​വും ഡോ. ​​​ഫാ​ത്തി​മ അ​ൽ സ​ലിം ഉ​ണ​ർ​ത്തി.

രാ​ജ്യ​ങ്ങ​ളെ​യും സം​സ്‌​കാ​ര​ങ്ങ​ളെ​യും ഒ​രു​മി​ച്ച് കൊ​ണ്ടു​വ​രു​ന്ന​തി​ലും രാ​ജ്യ​ങ്ങ​ളു​ടെ വി​ദേ​ശ​ന​യ​ങ്ങ​ൾ രൂ​പ​പ്പെ​ടു​ത്തു​ന്ന​തി​ലും മാ​ധ്യ​മ​ങ്ങ​ൾ വ​ലി​യ പ​ങ്കു​വ​ഹി​ക്കു​ന്നു​വെ​ന്ന് അം​ബാ​സ​ഡ​ർ മാ​ലി​ക് ഫാ​റൂ​ഖ് പ​റ​ഞ്ഞു. കു​വൈ​ത്തും പാ​കി​സ്താ​നും ത​മ്മി​ലു​ള്ള ശ​ക്ത​മാ​യ രാ​ഷ്ട്രീ​യ ബ​ന്ധം നി​ല​നി​ർ​ത്തു​ന്ന​തി​ന്, മാ​ധ്യ​മ​ങ്ങ​ളി​ൽ കൂ​ടു​ത​ൽ സ​ഹ​ക​ര​ണം പ്ര​തീ​ക്ഷി​ക്കു​ന്ന കു​വൈ​ത്തി​ന്റെ വി​ദേ​ശ ന​യ​ത്തെ​യും അ​തി​ൽ കു​ന​യു​ടെ പ​ങ്കി​നെ അ​ദ്ദേ​ഹം പ്ര​ശം​സി​ച്ചു.