സൈക്കിൾ, ബൈക്ക്​ യാത്രികർക്ക്​ പ്രത്യേക പാത

കുവൈത്ത്​ സിറ്റി: രാജ്യത്ത്​ ബൈക്ക്​ യാത്രികർക്കും സൈക്കിള്‍ ഉപയോക്താക്കള്‍ക്കും പ്രത്യേക പാത നിർമിക്കണമെന്ന നിർദേശം പാർലമ​െൻറി​​െൻറ ആഭ്യന്തര, പ്രതിരോധ സമിതി അംഗീകരിച്ചു.  നിലവിലെ റോഡുകളുടെ വശത്ത്​ ബൈക്ക്​ യാത്രികർക്കായി പ്രത്യേക ട്രാക്​​ നിർമിക്കണമെന്നും ഇവ ബാരിയർകെട്ടി തിരിക്കണമെന്നുമാണ്​ അൽ ഹുമൈദി അൽ സുബൈഇ സമർപ്പിച്ച കരടുനിർദേശത്തിലുള്ളത്​. കഴിഞ്ഞ ഡിസംബറിൽ ശൈഖ്​ ജാബിർ പാലത്തിൽ സൈക്കിൾ യാത്രികൻ കാറിടിച്ച്​ മരിച്ച പശ്ചാത്തലത്തിലാണ്​ എം.പി ഇ​ത്ത​രം പദ്ധതി നിർദേശിച്ചത്​.

ഉസാമ അൽ ഷാഹീൻ എം.പിയും സമാനമായ മറ്റൊരു നിർദേശം സമർപ്പിച്ചു. രാജ്യത്തെ നിരത്തുകളിൽ 53 ശതമാനം വാഹനങ്ങൾ സ്വകാര്യ കാറുകളാണ്​; 41 ശതമാനം ടാക്​സികളും ബസുകളും ഉ​ൾപ്പെടെ പൊതുഗതാഗത വാഹനങ്ങളും. ഒരാൾ മാത്രം കാറുകളിൽ പോവുന്നത്​ നിരത്തുകളിൽ ​തിരക്ക്​ വർധിപ്പിക്കുന്നതിനൊപ്പം ഇന്ധനനഷ്​ടവും വരുത്തുന്നു. ബൈക്ക്​, സൈക്കിൾ ഉപയോഗം പ്രോത്സാഹിപ്പിക്കാൻ പ്രത്യേക പാത നിർമിക്കുന്നതിലൂടെ കഴിയുമെന്നാണ്​ വിലയിരുത്തൽ. കാർ വാങ്ങാൻ ശേഷിയില്ലാത്തവർക്ക്​ ബൈക്ക്​ ഉപയോഗിക്കാൻ സൗകര്യമൊരുക്കുന്നതും ലക്ഷ്യമാണ്​. 

Tags:    
News Summary - kuwait, kuwaitnews, gulfnews

വായനക്കാരുടെ അഭിപ്രായങ്ങള്‍ അവരുടേത്​ മാത്രമാണ്​, മാധ്യമത്തി​േൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്​പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്​. അത്തരം പ്രതികരണങ്ങൾ നിയമനടപടി നേരിടേണ്ടി വരും.