കുവൈത്ത് സിറ്റി: കുവൈത്ത് പൗരെൻറ ബാങ്ക് അക്കൗണ്ടിൽനിന്ന് 2263 ദീനാർ നഷ്ടപ്പെട്ടതായി പരാതി. 64കാരനാണ് ഖാദിസിയ പൊലീസ് സ്റ്റേഷനിൽ പരാതി നൽകിയത്. എ.ടി.എം ബ്ലോക്ക് ആവാതിരിക്കാൻ വ്യക്തിഗത വിവരങ്ങൾ പുതുക്കണമെന്നാവശ്യപ്പെട്ട് ഇദ്ദേഹത്തിന് ഫോണിൽ സന്ദേശം വന്നു. ഇതനുസരിച്ച് വിവരങ്ങൾ നൽകിയതാണ് തട്ടിപ്പിന് വഴിയൊരുക്കിയത്.
ബാങ്ക് അക്കൗണ്ട് വിവരങ്ങൾ ആർക്കും നൽകരുതെന്നും ബാങ്കിൽനിന്ന് ഇത്തരത്തിൽ സ്വകാര്യ വിവരങ്ങൾ ആവശ്യപ്പെട്ട് വിളിക്കാറില്ലെന്നും സൈബർ ക്രൈം വകുപ്പ് പലതവണ മുന്നറിയിപ്പ് നൽകിയതാണ്. ബാങ്ക് അക്കൗണ്ട് നമ്പർ, പാസ്വേഡ്, ക്രെഡിറ്റ് കാർഡ് സംബന്ധിച്ച വിവരങ്ങൾ എന്നിവ ബാങ്കിൽ നിന്ന് എന്ന വ്യാജേന ആവശ്യപ്പെടുന്നതായ വിവരത്തിെൻറ അടിസ്ഥാനത്തിൽ നേരത്തെ സെൻട്രൽ ബാങ്കും ഉപഭോക്താക്കൾക്ക് മുന്നറിയിപ്പ് നൽകിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.