പിടികൂടിയ ലഹരിവസ്തുക്കൾ
കുവൈത്ത് സിറ്റി: അന്താരാഷ്ട്ര വിമാനത്താവളത്തിൽ വൻ ലഹരിവേട്ട. വ്യത്യസ്ത സംഭവങ്ങളിൽ കസ്റ്റംസ് ഉദ്യോഗസ്ഥർ മരിജുവാന, ലിറിക്ക ഗുളികകൾ, ഹഷീഷ് എന്നിവ യാത്രക്കാരിൽനിന്ന് പിടികൂടി. നിരവധി പേരെ അറസ്റ്റു ചെയ്തു. ആദ്യ സംഭവത്തിൽ വിമാനത്താവളത്തിൽ ലഹരിവസ്തുക്കളുമായി എത്തിയ സ്ത്രീയെ അധികൃതർ കസ്റ്റഡിയിൽ എടുത്തു.
ആംസ്റ്റർഡാമിൽ നിന്നെത്തിയ ഇവരുടെ ബാഗിൽനിന്ന് മൂന്ന് പീസ് ഹഷീഷ്, 130 ലഹരി ഗുളികകൾ എന്നിവ പിടിച്ചെടുത്തു. മറ്റൊരു സംഭവത്തിൽ ന്യൂഡൽഹിയിൽ നിന്നെത്തിയ ആളിൽനിന്ന് മരിജുവാനയും 350 ട്രമഡോൾ ഗുളികകളും പിടികൂടി. ഇയാളെ അറസ്റ്റുചെയ്തു.
ബൈറൂത്തിൽനിന്ന് കുവൈത്തിലെത്തിയ സ്ത്രീയിൽനിന്ന് 15 ലിറിക്ക ഗുളികകളും ഹഷീഷും കണ്ടെത്തി. ആംസ്റ്റർഡാമിൽ നിന്നെത്തിയ മറ്റൊരു കുവൈത്തി സ്വദേശിയിൽനിന്ന് 20 ലിറിക്ക ഗുളികകളും ഹഷീഷും പിടികൂടി. ആറു കഷണം മരിജുവാന, മരിജുവാന സിഗരറ്റ് എന്നിവ സഹിതം കുവൈത്തി ദമ്പതികളും വിമാനത്താവളത്തിൽ പിടിയിലായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.