കുവൈത്ത് സിറ്റി: ഫലസ്തീനിൽ കുവൈത്ത് നടത്തിയ സഹായങ്ങൾക്ക് നന്ദി രേഖപ്പെടുത്തി ഫലസ്തീൻ. കുവൈത്തിന്റെ സഹായം പരിധിയില്ലാത്തതാണെന്ന് ഫലസ്തീൻ പ്രസിഡന്റ് മഹ്മൂദ് അബ്ബാസിന്റെ അറബ്, ഇസ്‍ലാമിക് ഫണ്ടുകളുടെ പ്രത്യേക ഉപദേഷ്ടാവ് നാസർ ഖതാമി പറഞ്ഞു. ജോർഡനിലെ കുവൈത്ത് എംബസിയുടെ ചുമതലയുള്ള ഡോ. മുബാറക് അൽ ഹജേരിയുമായി നടത്തിയ ചർച്ചക്കുശേഷം സംസാരിക്കുകയായിരുന്നു അദ്ദേഹം. കുവൈത്തിന്റെ ഇടപെടൽ ഫലസ്തീനികൾക്കു വലിയ പ്രയോജനകരമാണെന്നും അദ്ദേഹം പറഞ്ഞു. ഫലസ്തീനികൾക്കുള്ള പിന്തുണ തന്റെ രാജ്യത്തെ മാതൃകയാണെന്ന് കുവൈത്ത് നയതന്ത്രജ്ഞൻ വ്യക്തമാക്കി. ഫലസ്തീൻ പ്രശ്നം കുവൈത്ത് രാഷ്ട്രീയ നേതൃത്വത്തിന്റെ പ്രധാന ആശങ്കയാണെന്നും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.