കുവൈത്ത് സിറ്റി: വിവിധ മയക്കുമരുന്നും ആയുധങ്ങളുമായി ആറു പേരെ ക്രിമിനൽ സുരക്ഷ വിഭാഗം അറസ്റ്റ്ചെയ്തതായി ആഭ്യന്തര മന്ത്രാലയം അറിയിച്ചു. നാലു സ്വദേശികൾ, ഒരു ഗൾഫ് പൗരൻ, ഒരു പ്രവാസി എന്നിവരാണ് പിടിയിലായത്. ഇവരിൽനിന്നായി മൂന്നു കിലോ രാസവസ്തുക്കളും മയക്കുമരുന്നും തോക്കുകളും പിടിച്ചെടുത്തു. കടത്തുക എന്ന ഉദ്ദേശ്യത്തോടെ മയക്കുമരുന്ന് കൈവശംവെച്ചതായി പ്രതികൾ സമ്മതിച്ചതായും അധികൃതർ വ്യക്തമാക്കി. പ്രതികളെയും പിടിച്ചെടുത്ത വസ്തുക്കളും നിയമനടപടികൾക്കായി ബന്ധപ്പെട്ട വിഭാഗത്തിന് കൈമാറി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.