മസ്കത്ത്: മസ്കത്ത് ഗവർണറേറ്റിലെ അമീറാത്ത്-ബൗഷർ മലമ്പാതയിലുണ്ടായ വാഹന അപകടത്തിൽ ട്രക്ക് ഡ്രൈവർ മരിച്ചു. വ്യാഴാഴ്ച രാവിലെയായിരുന്നു ട്രക്കും കാറും കൂട്ടിയിടിച്ചുണ്ടായ ദാരുണ സംഭവം നടക്കുന്നത്.
കൂട്ടിയിടിയിൽ ട്രക്കിന് തീ പിടിക്കുകയായിരിന്നു. അപകടം നടന്നയുടൻ സ്ഥലത്തെത്തിയ സിവിൽ ഡിഫൻസ് ആൻഡ് ആംബുലൻസ് അതോറിറ്റിയിലെ അഗ്നിശമന സേനാംഗങ്ങൾ തീ നിയന്ത്രണ വിധേയമാക്കുകയും മറ്റ് രക്ഷാ പ്രവർത്തനങ്ങൾ നടത്തുകയും ചെയ്തു.
നിലവിൽ ഈ റോഡ് അടച്ചിട്ടിരിക്കുന്നതിനാൽ വാഹനമോടിക്കുന്നവർ ബദൽ പാത ഉപയോഗിക്കണമെന്ന് റോയൽ ഒമാൻ പൊലീസ് (ആർ.ഒ.പി) അഭ്യർഥിച്ചു. അപകടത്തിൽപ്പെട്ടയാൾ ഏത് രാജ്യക്കാരനാണെന്ന വിവരം ലഭ്യമായിട്ടില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.