മസ്കത്ത്: ലോകത്തെ മികച്ച 50 എയർപോർട്ടുകളുടെ പട്ടികയിൽ ഇടം പിടിച്ച് മസ്കത്ത് ഇന്റർനാഷനൽ എയർപോർട്ട്. 2023ലെ സ്കൈട്രാക്സിന്റെ എയർപോർട്ട് റാങ്കിങ് പ്രകാരം മസ്കത്ത് അന്താരാഷ്ട്ര വിമാനത്താവളത്തിന് 42ാം സ്ഥാനമാണുള്ളത്. സിംഗപ്പൂരിലെ ചാംഗി എയർപോർട്ടാണ് ഒന്നാം സ്ഥാനം നേടിയത്. ഖത്തറിലെ ദോഹ ഹമദ് അന്താരാഷ്ട്ര വിമാനത്താവളത്തിനാണ് രണ്ടാംസ്ഥാനം. ഏറ്റവും മികച്ച എയർപോർട്ട് ഷോപ്പിങ്, മിഡിലീസ്റ്റിലെ ഏറ്റവും മികച്ച വിമാനത്താവളം പുരസ്കാരങ്ങളും ഹമദ് സ്വന്തമാക്കിയിട്ടുണ്ട്. മിഡിലീസ്റ്റിലെ ഏറ്റവും വൃത്തിയുള്ള വിമാനത്താവളങ്ങളിൽ മൂന്നാം സ്ഥാനമാണ് മസ്‌കത്തിന്. മിഡിലീസ്റ്റിലെ മികച്ച പ്രാദേശിക വിമാനത്താവളങ്ങളിൽ സലാല മൂന്നാം സ്ഥാനവും കരസ്ഥമാക്കി. തുടർച്ചയായ അഞ്ചാം വർഷവും സലാല വിമാനത്താവളത്തിന് സ്കൈട്രാക്സിന്റെ ഫൈവ് സ്റ്റാർ റേറ്റിങ് ലഭിച്ചു.
അഞ്ച് മുതൽ പത്ത് ദശലക്ഷം വരെ യാത്രക്കാർക്ക് സേവനം നൽകുന്ന മികച്ച വിമാനത്താവളങ്ങളിൽ മസ്കത്ത് നാലാം സ്ഥാനത്താണ്. പ്രതിവർഷം അഞ്ച് ദശലക്ഷത്തിൽ താഴെ യാത്രക്കാർക്ക് സേവനം നൽകുന്ന മികച്ച വിമാനത്താവളങ്ങളിൽ സലാല ആറാമതുമാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.