സലാല: ഇന്ത്യന്‍ നാഷനല്‍ കോണ്‍ഗ്രസിന്റെ പ്രവാസി സംഘടനയായ ഇന്ത്യന്‍ ഓവര്‍സീസ് കോണ്‍ഗ്രസ് (ഐ.ഒ.സി) ഒമാന്‍, സലാലയില്‍ കേരള ചാപ്റ്റര്‍ രൂപവത്കരിച്ചതായി ഒമാന്‍ നാഷനല്‍ കമ്മിറ്റി പ്രസിഡന്റ് ഡോ. ജെ. രത്‌നകുമാര്‍, ജന. സെക്രട്ടറി ജെസി മാത്യു, മീഡിയ കോഓഡിനേറ്റര്‍ സിയഉള്‍ ഹഖ് ലാറി എന്നിവര്‍ അറിയിച്ചു.
സലാല കേരള ചാപ്റ്റര്‍ ഭാരവാഹികളായി ഡോ. നിഷ്താര്‍ (കണ്‍വീനര്‍), ഹരികുമാര്‍ ഓച്ചിറ (കോ. കണ്‍വീനര്‍) ഷജില്‍ കോട്ടായി (ട്രഷറര്‍) എന്നിവരെയും നാഷനല്‍ കമ്മിറ്റി ജോ. സെക്രട്ടറിയായി എന്‍.കെ. മോഹന്‍ദാസിനെയും നിയമിച്ചു.
സലാല ചാപ്റ്ററിന്റെ ഔദ്യോഗിക ഉദ്ഘാടനവും ഓണാഘോഷവും സെപ്റ്റംബര്‍ 16ന് ലുബാന്‍ പാലസില്‍ നടക്കും. സുഹൃദ് സംഗമം, കലാ സാംസ്‌കാരിക പരിപാടികള്‍, ഗാനമേള, കായിക മത്സരങ്ങള്‍, ഓണസദ്യ തുടങ്ങിയ വൈവിധ്യമാര്‍ന്ന പരിപാടികള്‍ അന്നേ ദിവസം ഉണ്ടായിരിക്കുമെന്നും ഡോ. നിഷ്താർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.