ഇന്നവേഷൻ-എന്റർപ്രണർഷിപ് സെന്റർ തുറന്നു
മസ്കത്ത്: മോഡേൺ കോളജ് ഓഫ് ബിസിനസ് ആൻഡ് സയൻസ് (എം.സി.ബി.എസ്) ഇന്നൊവേഷൻ ആൻഡ് എന്റർപ്രണർഷിപ് സെന്റർ തുറന്നു. ഉന്നതവിദ്യാഭ്യാസ, ഗവേഷണ, ഇന്നവേഷൻ മന്ത്രി ഡോ. റഹ്മ ഇബ്രാഹിം അൽ മഹ്റൂഖിയുടെ നേതൃത്വത്തിലായിരുന്നു ഉദ്ഘാടനം.
നൂതന കേന്ദ്രങ്ങൾ സ്ഥാപിക്കുന്നതിൽ മന്ത്രാലയം ഉന്നത വിദ്യാഭ്യാസ സ്ഥാപനങ്ങളെ പ്രോത്സാഹിപ്പിക്കുകയും പിന്തുണക്കുകയും ചെയ്യുന്നുണ്ടെന്ന് ചടങ്ങിൽ സംസാരിച്ച ഉന്നത വിദ്യാഭ്യാസ ഗവേഷണ നവീകരണ മന്ത്രാലയത്തിലെ പ്രോഗ്രാമുകളുടെയും ശേഷി വികസനത്തിന്റെയും ഡയറക്ടർ ജനറൽ ഡോ. സലാഹ് സൗമർ അൽ സദ്ജലി പറഞ്ഞു.
ഉന്നത വിദ്യാഭ്യാസ സ്ഥാപനങ്ങൾ നടത്തുന്ന ഇത്തരം സംരംഭങ്ങൾ, ആധുനിക സാങ്കേതികവിദ്യയുടെ പ്രാദേശികവത്കരണത്തിനും സ്റ്റാർട്ടപ്പുകളുടെ സ്ഥാപനത്തിനും ദേശീയ സമ്പദ്വ്യവസ്ഥയുടെ ഏകീകരണത്തിനും സഹായിക്കുന്ന ബിസിനസ് ഇൻകുബേറ്ററുകളും മറ്റു സേവനങ്ങളും വികസിപ്പിക്കാൻ സഹായിക്കുമെന്നും അദ്ദേഹം കൂട്ടിച്ചേർത്തു.
ഡോ. റഹ്മ സെൻറർ ഫോർ ഇന്നൊവേഷൻ ആൻഡ് എന്റർപ്രണർഷിപ്പിൽ പര്യടനം നടത്തുകയും യൂനിറ്റുകളെക്കുറിച്ചുള്ള സമഗ്രമായ വിശദീകരണം കേൾക്കുകയും ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.