ഉ​പ്പ​യു​ടെ അ​തി​ജീ​വ​ന ക​ഥ​ക​ൾ കാ​ണാ​ൻ ടി​ക്ക​റ്റെ​ടു​ത്തു;സ​ഫീ​ർ ശു​കൂ​റി​നെ തേ​ടി​യെ​ത്തി​യ​ത്​ മ​ക​ളു​ടെ മ​ര​ണ​വാ​ർ​ത്ത

മ​സ്ക​ത്ത്​: മ​രു​ഭൂ​മി​യി​ൽ ‘ആ​ടു​ ജീ​വി​തം’ ന​യി​ച്ച ഉ​പ്പ ന​ജീ​ബി​ന്‍റെ അ​തി​ജീ​വ​ന ക​ഥ​ക​ൾ അ​​ഭ്ര​പാ​ളി​ക​ളി​ൽ കാ​ണാ​ൻ നാ​ട്ടി​ലേ​ക്ക്​ പോ​കാ​നാ​യി ടി​ക്ക​റ്റെ​ടു​ത്ത്​ നി​ൽ​ക്ക​വേ മ​ക​ൻ സ​ഫീ​ർ ശു​കൂ​റി​നെ തേ​ടി​യെ​ത്തി​യ​ത്​ മ​ക​ളു​ടെ മ​ര​ണ​വാ​ർ​ത്ത. ആ​ടു​ ജീ​വി​ത​ത്തി​ലെ യ​ഥാ​ർ​ഥ ക​ഥാ​പാ​ത്ര​മാ​യ ന​ജീ​ബി​ന്‍റെ ഒ​മാ​നി​ലു​ള്ള മ​ക​നെ കു​റി​ച്ച വി​ശേ​ഷ​ങ്ങ​ൾ മാ​ധ്യ​മ​ങ്ങ​ളി​ൽ ക​ഴി​ഞ്ഞ ദി​വ​സം വ​ന്നി​രു​ന്നു.

സി​നി​മ കു​ടും​ബ​ത്തോ​ടൊ​പ്പം കാ​ണാ​നാ​യി ഞാ​യ​റാ​ഴ്ച നാ​ട്ടി​ലേ​ക്ക്​ പോ​കാ​ൻ നി​ൽ​ക്കേ​യാ​ണ്​ ഒ​ന്ന​ര വ​യ​സ്സു​കാ​രി സ​ഫ മ​റി​യ​ത്തി​ന്‍റെ വി​യോ​ഗ​വാ​ർ​ത്ത എ​ത്തു​ന്ന​ത്. ന്യു​മോ​ണി​യ ബാ​ധി​ച്ച്​ ആ​ശു​പ​ത്രി​യി​ൽ ചി​കി​ത്സ​യി​ലാ​യി​രു​ന്നു മ​ക​ൾ.

മ​സ്ക​ത്ത് വാ​ദി ക​ബീ​റി​ലെ നെ​സ്​​റ്റോ ഹൈ​പ്പ​ർ മാ​ർ​ക്ക​റ്റി​ൽ ഫ്രൂ​ട്ട്സ്​ ആ​ൻ​ഡ്​ വെ​ജി​റ്റ​ബി​ൾ സെ​ക്ഷ​നി​ൽ സൂ​പ്പ​ർ​വൈ​സ​റാ​യി ജോ​ലി ചെ​യ്യു​ക​യാ​ണ്​ സ​ഫീ​ർ ശു​കൂ​ർ. ബി​രു​ദ​പ​ഠ​നം ക​ഴി​ഞ്ഞ്​ എ​ട്ട്​ വ​ർ​ഷം മു​മ്പാ​ണ്​ ഉ​പ്പാ​ന്‍റെ വ​ഴി​യി​ൽ ഇ​ദ്ദേ​ഹ​വും പ്ര​വാ​സ​ജീ​വി​തം തി​ര​ഞ്ഞെ​ടു​ക്കു​ന്ന​ത്. ഗ​ൾ​ഫി​ലേ​ക്ക്​ സ​ഫീ​റി​നെ പ​റ​ഞ്ഞ​യ​ക്കാ​ൻ പി​താ​വി​ന്​ തീ​തെ​ താ​ൽ​പ​ര്യ​മു​ണ്ടാ​യി​രു​ന്നി​ല്ല. മ​ക​ന്‍റെ നി​ർ​ബ​ന്ധ​വും കു​ടും​ബ​ത്തി​ലെ സാ​ഹ​ച​ര്യ​വും കാ​ര​ണം ഒ​ടു​വി​ൽ സ​മ്മ​തി​ക്കു​ക​യാ​യി​രു​ന്നു. ആ​ല​പ്പു​ഴ ഹ​രി​പ്പാ​ട്​ ആ​റാ​ട്ടു​കു​ളം സ്വ​ദേ​ശി​യാ​ണ്. മ​ക​ളെ അ​വ​സാ​ന​മാ​യി ഒ​രു​നോ​ക്ക്​ കാ​ണാ​ൻ ഇ​ദ്ദേ​ഹം ശ​നി​യാ​ഴ്​​ച നാ​ട്ടി​ലേ​ക്ക്​ തി​രി​ച്ചു. മ​ക​ളു​ടെ വി​യോ​ഗ വാ​ർ​ത്ത​യ​റി​ഞ്ഞ്​ നി​ര​വ​ധി പ്ര​വാ​സി​ക​ളാ​ണ്​ ഇ​ദ്ദേ​ഹ​ത്തി​ന്​ ആ​ശ്വാ​സ​വ​ച​ന​ങ്ങ​ളു​മാ​യെ​ത്തി​യ​ത്.