ഗ്രാൻഡ് ഫ്രഷ് ഡേറ്റ്സ് ഫെസ്റ്റിവൽ’ ഗ്രാൻഡ് മാൾ ഹൈപ്പർമാർക്കറ്റ് റീജനൽ ഡയറക്ടർ അഷറഫ് ചിറക്കൽ ഉദ്ഘാടനം ചെയ്യുന്നു
ദോഹ: മധുരമൂറുന്ന ഈത്തപ്പഴങ്ങളുടെ വിപുലമായ ശേഖരവുമായി ഗ്രാൻഡ്മാൾ ഹൈപ്പർമാർക്കറ്റുകളിൽ ‘ഗ്രാൻഡ് ഫ്രഷ് ഡേറ്റ്സ് ഫെസ്റ്റിവൽ’ ആരംഭിച്ചു. ഖത്തറിലെ ഫാമുകളിൽ കൃഷിചെയ്‌ത്‌ വിളവെടുത്ത ഏറ്റവും മികച്ച ഗുണമേന്മയുള്ള ഈത്തപ്പഴങ്ങളുമായാണ് വിപണന മേള ആരംഭിച്ചത്.
ഏറെ പ്രിയങ്കരമായ ഇനങ്ങളായ ഖലാസ്, ബർഹി, ശിഷി, തമാർ, ഹലാലി, ഖുദ്രി, ഖെനൈസി തുടങ്ങി ഫ്രഷ് ഈത്തപ്പഴങ്ങൾ ഗ്രാൻഡ് മാൾ ഹൈപ്പർമാർക്കറ്റ് ഉപഭോക്താക്കൾക്കായി ഒരുക്കിയിട്ടുണ്ട്. അജ്‍വ, മബ്റും, സഗായ്, മിദ്ജൂൾ, സഫാവി, ഡ്രൈ ഡേറ്റ്സ് തുടങ്ങിയവയും ലഭ്യമാണ്.
എണ്ണമറ്റ ഈത്തപ്പഴ ഉൽപന്നങ്ങൾക്കുപുറമെ കേക്ക്, പുഡ്ഡിങ്, ബ്രഡ്, പായസം, ലഡു, അച്ചാർ, ജ്യൂസ്, ഡേറ്റ്സ് റോൾ, പഫ്സ്, പുലാവ് എന്നിവയുൾപ്പെടെ ഈത്തപ്പഴത്തിൽ നിന്നുള്ള അനുബന്ധ ഉൽപന്നങ്ങളുടെ നിരയും ‘ഗ്രാൻഡ്മാൾ ഡേറ്റ്സ് ഫെസ്റ്റിന്റെ ഭാഗമായി ലഭ്യമാണ്. ഉപഭോക്താക്കൾക്ക് നല്ല ഇനം ഫ്രഷ് ഈത്തപ്പഴങ്ങൾ മിതമായ വിലയിൽ വാങ്ങാനുള്ള അവസരങ്ങളാണ് ഗ്രാൻഡ് മാൾ ഹൈപ്പർമാർക്കറ്റ് ഒരുക്കിയിരിക്കുന്നതെന്ന് റീജനൽ ഡയറക്ടർ അഷറഫ് ചിറക്കൽ അറിയിച്ചു. മേള ബുധൻ വരെ തുടരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.