ദോഹ: ഖത്തരി ഉൽപന്നങ്ങൾക്കായി ഇനി പ്രത്യേക ലോഗോ. പ്രാദേശിക, മേഖല, ആഗോള വിപണികളിലെ ഖത്തർ ഉൽപന്നങ്ങളുടെ മത്സരക്ഷമത വർധിപ്പിക്കാനാണ് പ്രത്യേക ഗുണമേന്മ അടയാളം പുറത്തിറക്കിയിരിക്കുന്നത്.ഈ അടയാളമുള്ള ഉൽപന്നങ്ങൾ ഇനി കണ്ണുംപൂട്ടി വാങ്ങാം. പ്രാദേശിക ഉൽപന്നങ്ങളുമായി ബന്ധപ്പെട്ട വികസന പദ്ധതികളെ പിന്തുണക്കുക എന്ന ലക്ഷ്യവും പുതിയ ഗുണമേന്മ അടയാളത്തിനുണ്ട്.
പ്രധാനമന്ത്രിയും ആഭ്യന്തര മന്ത്രിയുമായ ശൈഖ് ഖാലിദ് ബിൻ ഖലീഫ ബിൻ അബ്ദുൽ അസീസ് ആൽ ഥാനിയാണ് ഖത്തർ ക്വാളിറ്റി മാർക്ക് പുറത്തിറക്കിയിരിക്കുന്നത്. ഖത്തർ ജനറൽ ഓർഗനൈസേഷൻ ഫോർ സ്റ്റാൻഡേർഡ്സ് ആൻഡ് മെേട്രാളജിയാണ് ഉൽപന്നങ്ങൾക്കും ചരക്കുകൾക്കും ഖത്തർ ക്വാളിറ്റി മാർക്ക് നൽകുക. സർക്കാർ നിർദേശിക്കുന്ന ഗുണനിലവാര മാനദണ്ഡങ്ങൾ പാലിക്കുന്ന കമ്പനികൾക്കാണ് മാർക്ക് ലഭിക്കുക.
പ്രകാശന ചടങ്ങിനിടെ ഖത്തർ ക്വാളിറ്റി മാർക്ക് ആദ്യമായി സ്വന്തമാക്കിയ 'അൽ ഖതരിയ്യ ഫോർ െപ്രാക്ഷൻ ഓഫ് റിഇൻഫോഴ്സിങ് സ്റ്റീലി'നെ പ്രധാനമന്ത്രി ആദരിച്ചു. ഖത്തരി ക്വാളിറ്റി മാർക്കും അതിെൻറ പ്രയോജനങ്ങളും ചടങ്ങിൽ അവതരിപ്പിച്ചു. കമ്പനികൾക്കിടയിലെ മത്സരക്ഷമത വർധിപ്പിക്കുന്നതിനോടൊപ്പം ഉപഭോക്താക്കൾക്കും സംരംഭകർക്കും ഉൽപന്നങ്ങളുടെ വിശ്വാസ്യത വർധിപ്പിക്കാൻ ഖത്തർ ക്വാളിറ്റി മാർക്കിനാകും. കൂടാതെ ചരക്കുകൾക്ക് അംഗീകൃത നിലവാരം വിപണികളിൽ ലഭിക്കാനും ഖത്തർ ക്വാളിറ്റി മാർക്ക് ഉപയോഗപ്പെടും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.