ഗ്രാൻഡ്മാൾ ഹൈപ്പർ മാർക്കറ്റിലെ ഗ്രാൻഡ് ഫ്രഷ് ഈത്തപ്പഴ ഫെസ്റ്റ് റീജനൽ ഡയറക്ടർ അഷ്റഫ് ചിറക്കൽ ഉദ്ഘാടനം ചെയ്യുന്നു
ദോഹ: രാജ്യത്തെ പ്രമുഖ റീട്ടെയ്ൽ വ്യാപാരശൃംഖലയായ ഗ്രാൻഡ് മാൾ ഹൈപ്പർമാർക്കറ്റിന്‍റെ എല്ലാ ഔട്ട്ലെറ്റുകളിലും ഗ്രാൻഡ് ഫ്രഷ് ഈത്തപ്പഴ ഫെസ്റ്റ് ആരംഭിച്ചു. ഖത്തറിലെ ഫാമുകളിൽ കൃഷിചെയ്‌ത്‌ വിളവെടുത്ത മികച്ച ഗുണമേന്മയുള്ള ഈത്തപ്പഴങ്ങളാണ് ഉപഭോക്താക്കൾക്കായി ഒരുക്കിയിരിക്കുന്നത്.
ഈത്തപ്പഴംകൊണ്ടുണ്ടാക്കിയ റോൾ, പഫ്സ്, പായസം, ലഡ്ഡു, പുലാവ്, അച്ചാർ, ജ്യൂസ്, ബർഫി, കേക്ക്, പുഡ്ഡിങ്, ബ്രഡ് എന്നീ വിവിധതരം വിഭവങ്ങളാണ് ഗ്രാൻഡ് മാൾ ഹൈപ്പർ മാർക്കറ്റ് പ്രമോഷനിൽ ഉൾപ്പെടുത്തിയിരിക്കുന്നത്.
ഉപഭോക്താക്കൾക്ക് നല്ലയിനം ഫ്രഷ് ഈത്തപ്പഴങ്ങൾ മിതമായ വിലയിൽ വാങ്ങാനുള്ള അവസരങ്ങളാണ് ഗ്രാൻഡ് മാൾ ഹൈപ്പർ മാർക്കറ്റ് ഒരുക്കിയിരിക്കുന്നതെന്ന് റീജനൽ ഡയറക്ടർ അഷ്റഫ് ചിറക്കൽ അറിയിച്ചു. ഫെസ്റ്റിവൽ ശനിയാഴ്ച അവസാനിക്കും. ഗ്രാൻഡ് മാൾ ഹൈപ്പർ മാർക്കറ്റ് റീജനൽ ഡയറക്ടർ അഷ്റഫ് ചിറക്കൽ ഫെസ്റ്റ് ഉദ്ഘാടനം ചെയ്തു.
സി.ഇ.ഒ ശരീഫ് ബി.സി, ജനറൽ മാനേജർ അജിത് കുമാർ, ഏരിയ മാനേജർ മുഹമ്മദ് ബഷീർ പരപ്പിൽ, മാൾ മാനേജർ നവാബ് എന്നിവർ ഗ്രാൻഡ് ഫ്രഷ് ഈത്തപ്പഴ ഫെസ്റ്റ് ഉദ്ഘാടന ചടങ്ങിൽ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.