നാട്ടിലേക്ക് മടങ്ങുന്ന മുംതാസ് അബ്ദുൽ ഹമീദിന് കൊണ്ടോട്ടി സെന്റർ ജിദ്ദയുടെ ഉപഹാരം മൊയ്തീൻകോയ കടവണ്ടി നൽകുന്നു
ജിദ്ദ: രണ്ടര പതിറ്റാണ്ട് കാലം ജിദ്ദ ശറഫിയ അൽ അബീർ മെഡിക്കൽ സെന്ററിൽ ലാബ് ടെക്നീഷ്യനായി ജോലി ചെയ്ത് നാട്ടിലേക്ക് മടങ്ങുന്ന കൊണ്ടോട്ടി പെരുവള്ളൂർ സ്വദേശി മുംതാസ് അബ്ദുൽ ഹമീദിന് കൊണ്ടോട്ടി സെന്റർ ജിദ്ദ യാത്രയയപ്പ് നൽകി. ‘ഒരുമ’ പ്രസിഡന്റ് കബീർ കൊണ്ടോട്ടി പരിപാടി ഉദ്ഘാടനം ചെയ്തു. കൊണ്ടോട്ടി സെന്റർ ആക്ടിങ് പ്രസിഡന്റ് മൊയ്തീൻകോയ കടവണ്ടി അധ്യക്ഷത വഹിച്ചു.
എ.ടി. ബാവ, പി.സി. അബൂബക്കർ, പി.ഇ. അബ്ദുൽ നസർ കാളോത്ത്, ഹസ്സൻ യമഹ, നൗഷാദ് ആലങ്ങാടൻ, ശഫീഖ് എരഞ്ഞോളി, ഗഫൂർ കാപ്പാടൻ എന്നിവർ സംസാരിച്ചു. ഉംറ നിർവഹിക്കാനെത്തിയ കൊണ്ടോട്ടി സെന്റർ മുൻ എക്സിക്യൂട്ടിവ് അംഗം കരുമ്പുലാക്കൽ അബ്ദുൽ ഹമീദിന് ചടങ്ങിൽ സ്വീകരണവും നൽകി. അഷ്റഫ് കൊട്ടേൽസ്, റഫീഖ് മധുവായി, എ.ടി. നസ്റു എന്നിവർ നേതൃത്വം നൽകി. റഫീഖ് മാങ്കായി സ്വാഗതവും കബീർ നീറാട് നന്ദിയും പറഞ്ഞു. കബീർ തുറക്കൽ ഖിറാഅത്ത് നടത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.