ജിദ്ദ: റമദാനിന് മുന്നൊരുക്കമായി മക്കയിൽ തീർഥാടകർക്ക് അഞ്ച് പാർക്കിങ് സ്ഥലങ്ങൾ ഒരുക്കുന്നു. ഇതിനായുള്ള നടപടികൾ ബന്ധപ്പെട്ട വകുപ്പുകൾക്ക് കീഴിൽ ആരംഭിച്ചു. ഹറമിലേക്കുള്ള പോക്കുവരവുകൾ എളുപ്പമാക്കുക, ഹറമിനടുത്ത് വാഹന തിരക്ക് കുറക്കുക എന്നിവ ലക്ഷ്യമിട്ടാണ് മക്കയിലേക്ക് എത്തുന്ന പ്രധാന റോഡുകളിൽ ഇത്രയും പാർക്കിങ് സ്ഥലങ്ങൾ ഒരുക്കുന്നത്.
മക്ക-ജിദ്ദ എക്സ്പ്രസ് റോഡ്, മക്ക-മദീന എക്സ്പ്രസ് റോഡ്, മക്ക-അൽകറ റോഡ്, മക്ക-അല്ലീത് റോഡ്, മക്ക-സൈൽ എക്സ്പ്രസ് റോഡ് എന്നിവിടങ്ങളിലാണ് പാർക്കിങ് സ്ഥലങ്ങളൊരുക്കുന്നത്. ഇവിടെ നിന്ന് ഹറമിലേക്കും തിരിച്ചും യാത്രക്ക് പൊതുഗതാഗത ബസുകളും ടാക്സികളും ഉണ്ടാകും. കൂടാതെ മക്കക്കുള്ളിൽ റുസൈഫ, കുദായ്, സാഹിർ എന്നിവിടങ്ങളിൽ പാർക്കിങ് സൗകര്യമുണ്ടായിരിക്കും.
രാജ്യത്തിന്റെ വിവിധ പ്രദേശങ്ങളിൽ നിന്നും വരുന്ന ഉംറ തീർഥാടകർക്ക് പ്രവേശിക്കുന്നതിനും പുറത്തുപോകുന്നതിനുമായി പ്രത്യേക പാതകൾ പാർക്കിങ് സ്ഥലങ്ങളിൽ ഒരുക്കും. പൊതുഗതാഗത ബസുകൾക്കും സ്വകാര്യ ടാക്സികൾക്കും പ്രത്യേക പാതകൾ ഉണ്ടായിരിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.