ജിദ്ദ: മലർവാടി ബാലസംഘം ജിദ്ദ നോർത്ത് റമദാനോടനുബന്ധിച്ച് വിദ്യാർഥികൾക്കായി സംഘടിപ്പിച്ച 'റമദാൻ റീൽസ്' മത്സരത്തിന്റെ വിജയികളെ പ്രഖ്യാപിച്ചു. കിഡ്സ് ,സബ് ജൂനിയർ, ജൂനിയർ വിഭാഗങ്ങളിലായി 35 ഓളം കുട്ടികൾ മാറ്റുരച്ചു. മത്സരത്തിൽ ജൂനിയർ വിഭാഗത്തിൽ നഷ് വ അനൂൻ, മുഹമ്മദ് അമൻ, അഫ്രീൻ സാക്കിർ, ആയിഷ മുഹമ്മദ് എന്നിവർ യഥാക്രമം ഒന്ന്, രണ്ട്, മൂന്ന് സ്ഥാനങ്ങൾ കരസ്ഥമാക്കി. സബ് ജൂനിയർ വിഭാഗത്തിൽ ഇജാസ് സക്കീർ, ഇസ്ര അജ്മൽ , സമീൽ അജ്മൽ എന്നിവർ ഒന്നാം സ്ഥാനവും അബ്ദുൽ മുസവ്വിർ സയ്യാൻ രണ്ടാം സ്ഥാനവും മർയം ബഷീർ മൂന്നാം സ്ഥാനവും നേടി. കിഡ്സ് വിഭാഗത്തിൽ ആഖിൽ അമീൻ ഒന്നാം സ്ഥാനവും നീഹ ഇനാം, നൂറിൻ സാക്കിർ എന്നിവർ രണ്ടാം സ്ഥാനവും ശലൻ മുഹമ്മദ് മൂന്നാം സ്ഥാനവും കരസ്ഥമാക്കി. വിജയികൾക്കുള്ള സമ്മാനദാനം അടുത്ത് സംഘടിപ്പിക്കുന്ന പരിപാടിയിൽ വെച്ചു വിതരണം ചെയ്യുമെന്ന് സംഘാടകര് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.