അൽഖോബാർ: മലയാളി ഹൃദയാഘാതം മൂലം അൽഖോബാറിൽ മരിച്ചു. 20 വർഷമായി പ്രവാസിയായ മലപ്പുറം കരുവാരക്കുണ്ട് വട്ടപ്പറമ്പിൽ പരേതനായ മുഹമ്മദ് മകൻ അബ്ദുൽ ജലീലാണ് (52) ബുധനാഴ്ച പുലർച്ചെ മരിച്ചത്. ചൊവ്വാഴ്ച രാത്രി പ്രാർഥന നിർവഹിച്ചു റൂമിൽ വിശ്രമിക്കുേമ്പാൾ ദേഹാസ്വാസ്ഥ്യം അനുഭവപ്പെടുകയും ആശുപത്രിയിലേക്കുള്ള വഴിമധ്യേ മരണപ്പെടുകയുമായിരുന്നു.
കെമിക്കൽ ഫോസാം ഗ്രൂപ്പിൽ ലാബ് ജീവനക്കാരനായിരുന്നു. ജിദ്ദ ബ്രാഞ്ചിൽ ജോലിചെയ്യുന്ന അദ്ദേഹം അൽഖോബാറിൽ അവധിക്ക് പോയ ആൾക്ക് പകരം ഒന്നരമാസം മുമ്പ് എത്തിയതായിരുന്നു.
ജിദ്ദയിൽ തന്നെയുള്ള സഹോദരൻ ഷാജി വ്യാഴാഴ്ച രാവിലെ എത്തിയതിന് ശേഷം തുഖ്ബ മഖ്ബറയിൽ മൃതദേഹം മറവ് ചെയ്യുമെന്ന് നിയമ നടപടികൾക്ക് രംഗത്തുള്ള കെ.എം.സി.സി വെൽഫെയർ വിങ് അംഗങ്ങളായ ഉമർ ഓമശ്ശേരി, ഇഖ്ബാൽ ആനമങ്ങാട്, സൈഫുദ്ദീൻ മുക്കം എന്നിവർ അറിയിച്ചു. റുഖിയ ആണ് മാതാവ്. ഭാര്യ: ഷീബ. മക്കൾ: ഹാഷിർ, അഫ്ന, ഹാസിം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.