ജിദ്ദ: കോ-ഓർഡിനേഷൻ ഓഫ് ഇസ്ലാമിക് കോളേജസ് നടപ്പിലാക്കിക്കൊണ്ടിരിക്കുന്ന 'വാഫി വഫിയ്യ' കോഴ്സിലേക്കുള്ള എൻട്രൻസ് പരീക്ഷ മേയ് 19 ന് കേരളത്തിലും വിദേശത്തുമായി വിവിധ സെന്ററുകളിൽ നടക്കുമെന്ന് സംഘാടകർ അറിയിച്ചു. സൗദിയിൽനിന്നുള്ള അപേക്ഷകർക്ക് ജിദ്ദ, റിയാദ് എന്നിവിടങ്ങളിൽ സൗകര്യമൊരുക്കിയിട്ടുണ്ട്. കൂടുതൽ വിവരങ്ങൾക്ക് ജിദ്ദയിൽ അബ്ദുൽ ഹക്കീം വാഫി 053 256 0265, സലീം വാഫി 059 518 7556, റിയാദിൽ സുലൈമാൻ വാഫി 053 234 0541 എന്നിവരുമായി ബന്ധപ്പെടാവുന്നതാണ്. ലോകോത്തര ഇസ്ലാമിക സർവകലാശാലകളുടെ പാഠ്യപദ്ധതികളോട് സമാനത പുലർത്തുന്നതാണ് വാഫി വഫിയ്യ പാഠ്യപദ്ധതിയെന്ന് മാനേജ്മെന്റ് അറിയിച്ചു. ഇന്ത്യയിലെ ഇസ്ലാമിക കലാലയങ്ങൾ പിന്തുടർന്നുവരുന്ന പരമ്പരാഗത നിസാമിയ്യ സിലബസ് പരിഷ്കരിച്ചാണ് വാഫി വഫിയ്യ സിലബസ് സംവിധാനിച്ചിട്ടുള്ളത്. പുറമെ യു.ജി.സി അംഗീകരിക്കുന്ന യൂനിവേഴ്സിറ്റി ഡിഗ്രിയും പാഠ്യപദ്ധതിയുടെ അവിഭാജ്യ ഭാഗമാക്കിയിട്ടുണ്ട്. കൈറോ ആസ്ഥാനമായി പ്രവർത്തിക്കുന്ന ഇസ്ലാമിക് യൂണിവേഴ്സിറ്റീസ് ലീഗ് നിർവാഹക സമിതി അംഗത്വവും അബൂദബി ആസ്ഥാനമായി പ്രവർത്തിക്കുന്ന വേൾഡ് മുസ്ലിം കമ്മ്യൂണിറ്റീസ് കൗൺസിൽ സെക്രട്ടറിയേറ്റ് അംഗത്വവും മൊറോക്കോയിലെ അറബ് ലീഗ് ആസ്ഥാനത്ത് പ്രവർത്തിക്കുന്ന അറബി ഭാഷ പഠന കേന്ദ്ര കൂട്ടായ്മയുടെ ഡയറക്ടറേറ്റ് അംഗത്വവും ഉൾപ്പെടെ 10 ലോകോത്തര വിദ്യാപീഠങ്ങളുമായി വാഫി വഫിയ്യ കോഴ്സുകൾക്ക് അക്കാദമിക് സഹകരണ ധാരണയുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.