ദുബൈ മെട്രോ ബ്ലൂലൈൻ പദ്ധതിക്ക്​ അംഗീകാരം

ദുബൈ: എമി​റേറ്റിലെ ഏറ്റവും വലുതും സുപ്രധാനവുമായ ഗതാഗത പദ്ധതിയായ മെട്രോ ബ്ലൂലൈൻ പദ്ധതിക്ക്​ അംഗീകാരം. യു.എ.ഇ വൈസ്​ പ്രസിഡന്റും ​പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂമാണ്​ വെള്ളിയാഴ്ച വൻ പദ്ധതിക്ക്​ അനുമതി നൽകിയത്​.

നി​ല​വി​ലെ റെ​ഡ്, ഗ്രീ​ൻ ലൈ​നു​ക​ളു​മാ​യി ബ​ന്ധി​പ്പി​ച്ച്​ നി​ർ​മി​ക്കു​ന്ന പാ​ത 30 കി.​മീ​റ്റ​ർ നീ​ള​മു​ള്ള​താ​ണ്. 2029ൽ ​പ്ര​വ​ർ​ത്ത​ന​സ​ജ്ജ​മാ​കു​ന്ന മെ​ട്രോ ലൈ​ൻ പൂ​ർ​ത്തി​യാ​കു​ന്ന​തോ​ടെ ന​ഗ​ര​ത്തി​ലെ ഗ​താ​ഗ​ത​മേ​ഖ​ല​യി​ൽ വ​ലി​യ കു​തി​ച്ചു​ചാ​ട്ട​മാ​ണ്​ പ്ര​തീ​ക്ഷി​ക്കു​ന്ന​ത്. പാ​ത​യു​ടെ നി​ർ​മാ​ണ​ത്തി​ന്​ 1800 കോ​ടി ദി​ർ​ഹം ചെ​ല​വ്​ വ​രു​മെ​ന്ന്​ ശൈ​ഖ്​ മു​ഹ​മ്മ​ദ്​ വ്യ​ക്ത​മാ​ക്കി. പാ​ത​യു​ടെ പ​കു​തി ഭാ​ഗം ഭൂ​മി​ക്ക​ടി​യി​ൽ 70 മീ​റ്റ​ർ ആ​ഴ​ത്തി​ലാ​യി​രി​ക്കും. ന​ഗ​ര​ത്തി​ലെ ഗ​താ​ഗ​ത​ക്കു​രു​ക്കി​ന്​ പ​രി​ഹാ​ര​മാ​കു​ന്ന​ത്​ കൂ​ടി​യാ​ണ്​ പാ​ത. അ​ടു​ത്ത​വ​ർ​ഷം പ​ദ്ധ​തി​ക്ക്​ ടെ​ൻ​ഡ​ർ ന​ൽ​കാ​നാ​ണ്​ ആ​സൂ​ത്ര​ണം ചെ​യ്തി​രി​ക്കു​ന്ന​ത്.

2028ൽ ​പ​രീ​ക്ഷ​ണ​യോ​ട്ട​വും 2029ൽ ​ഔ​ദ്യോ​ഗി​ക​മാ​യി ഓ​പ​റേ​ഷ​ൻ തു​ട​ങ്ങു​ക​യും ചെ​യ്യും. പ​ദ്ധ​തി പൂ​ർ​ത്തി​യാ​കു​ന്ന​തോ​ടെ മൊ​ത്തം മെ​ട്രോ ശൃം​ഖ​ല 78 സ്റ്റേ​ഷ​നു​ക​ളും 168 ട്രെ​യി​നു​ക​ളു​മു​ള്ള 131 കി​ലോ​മീ​റ്റ​ർ റെ​യി​ൽ​വേ ലൈ​നാ​കും. 2009ൽ 10 ​സ്റ്റേ​ഷ​നു​ക​ളോ​ടെ ആ​രം​ഭി​ച്ച ദു​ബൈ മെ​ട്രോ ഇ​തി​ന​കം 200 കോ​ടി യാ​ത്ര​ക്കാ​ർ​ക്ക്​ സ​ഞ്ചാ​ര​മാ​ർ​ഗ​മാ​യി​ട്ടു​ണ്ട്.

ദു​ബൈ ന​ഗ​ര​ത്തി​ന്‍റെ ദൈ​നം​ദി​ന ജീ​വി​ത​വു​മാ​യും താ​മ​സ​ക്കാ​രു​മാ​യും ആ​ഴ​ത്തി​ൽ ബ​ന്ധ​പ്പെ​ട്ടു കി​ട​ക്കു​ന്ന അ​വി​ഭാ​ജ്യ ഘ​ട​ക​മാ​ണ് മെ​ട്രേ​യെ​ന്നും വ​രും​ദ​ശ​ക​ങ്ങ​ളി​ൽ കോ​ടി​ക്ക​ണ​ക്കി​ന് ആ​ളു​ക​ളെ സേ​വി​ക്കു​ന്ന​ത് അ​ത്​ തു​ട​രു​മെ​ന്നും ശൈ​ഖ്​ മു​ഹ​മ്മ​ദ് പ​ദ്ധ​തി​ക്ക്​ അം​ഗീ​കാ​രം ന​ൽ​കി​ പ​റ​ഞ്ഞു. റെ​ഡ്​ ലൈ​നി​ൽ 15കി.​മീ​റ്റ​ർ പു​തി​യ പാ​ത നി​ർ​മി​ച്ച്​ എ​ക്സ്​​പോ സി​റ്റി​വ​രെ ദീ​ർ​ഘി​പ്പി​ച്ച​താ​ണ്​ മേ​ട്രോ​യി​ൽ അ​വ​സാ​നം ന​ട​ന്ന വി​ക​സ​ന പ്ര​വ​ർ​ത്ത​നം. 2021ലാ​ണ്​ ഇ​ത്​ ഉ​ദ്​​ഘാ​ട​നം ചെ​യ്ത​ത്.

ബ്ലൂ​ലൈ​ൻ ക​ട​ന്നു​പോ​കു​ന്ന മേ​ഖ​ല​ക​ൾ

ദു​ബൈ ക്രീ​ക്ക്​ ഹാ​ർ​ബ​ർ, ഫെ​സ്റ്റി​വ​ൽ സി​റ്റി, ഗ്ലോ​ബ​ൽ വി​ല്ലേ​ജ്, റാ​ശി​ദി​യ, വ​ർ​ഖ, മി​ർ​ദി​ഫ്, സി​ലി​​ക്ക​ൺ ഒ​യാ​സി​സ്, അ​ക്കാ​ദ​മി​ക്​ സി​റ്റി തു​ട​ങ്ങി​യ മേ​ഖ​ല​ക​ളി​ലൂ​ടെ പാ​ത ക​ട​ന്നു​പോ​കും. ബ്ലൂ​ലൈ​നി​ൽ പ്ര​തി​ദി​നം 3,20,000 യാ​ത്ര​ക്കാ​ർ​ക്ക്​ ക​ട​ന്നു​പോ​കാ​ൻ ക​ഴി​യും. റെ​ഡ് ലൈ​നു​മാ​യും (റാ​ശി​ദി​യ ഏ​രി​യ), ഗ്രീ​ൻ ലൈ​നു​മാ​യും (അ​ൽ ഖോ​ർ ഏ​രി​യ) പു​തി​യ പാ​ത​യെ ബ​ന്ധി​പ്പി​ക്കും.

ദു​ബൈ മെ​ട്രോ ബ്ലൂ​ലൈ​ൻ സ​വി​ശേ​ഷ​ത​ക​ൾ

•പാ​ത​യു​ടെ ഭാ​ഗ​മാ​യി ഇ​ൻ​റ​ർ​നാ​ഷ​ണ​ൽ സി​റ്റി​യി​ൽ ഏ​റ്റ​വും

വ​ലി​യ ഭൂ​ഗ​ർ​ഭ സ്​​റ്റേ​ഷ​ൻ നി​ർ​മി​ക്കും

•ദു​ബൈ ക്രീ​ക്കി​നെ മു​റി​ച്ചു​ക​ട​ക്കു​ന്ന ആ​ദ്യ റെ​യി​ൽ പാ​ത​യാ​യി​രി​ക്കു​മി​ത്​

•റെ​ഡ്, ബ്ലൂ ​ലൈ​നു​ക​ളു​ടെ ഇ​ൻ​റ​ർ​ചേ​ഞ്ച്​ സ്​​റ്റേ​ഷ​ൻ റാ​ശി​ദി​യ​യി​ൽ

•ഗ്രീ​ൻ, ബ്ലൂ ​ലൈ​നു​ക​ളു​ടെ ഇ​ൻ​റ​ർ​ചേ​ഞ്ച്​ സ്​​റ്റേ​ഷ​ൻ ക്രീ​ക്ക്​ സ്​​റ്റേ​ഷ​നി​ൽ

•നി​ർ​മാ​ണം പ​രി​സ്ഥി​തി സൗ​ഹൃ​ദ, സു​സ്ഥി​ര മാ​ന​ദ​ണ്ഡ​ങ്ങ​ൾ

പ്ര​കാ​രം

•2040ഓ​ടെ 10 ല​ക്ഷം ജ​ന​ങ്ങ​ൾ​ക്ക്​ പാ​ത ഉ​പ​കാ​ര​പ്പെ​ടും