ദുബൈ: സുരക്ഷ ഉറപ്പുവരുത്താനും പൊതുജനങ്ങളെ ബോധവത്കരിക്കാനുമായി രാജ്യത്തുടനീളം സുരക്ഷ അഭ്യാസങ്ങൾ നടത്തുന്നുണ്ടെന്ന് ആഭ്യന്തര മന്ത്രാലയം വ്യക്തമാക്കി. ഞായറാഴ്ച രാവിലെ ഒമ്പതിന് യു.എ.ഇയിൽ അഭ്യാസങ്ങൾ ആരംഭിച്ചതായും സൈനിക വിഭാഗങ്ങളുടെ റൂട്ട് മാർച്ച് ഉൾപ്പെടെ പലയിടങ്ങളിലായി നടക്കുമെന്നും അധികൃതർ അറിയിച്ചു.
ഇതിനൊപ്പം ആകാശത്തും അഭ്യാസപ്രകടനങ്ങൾ അരങ്ങേറും. പൊതുജനങ്ങൾ ഇത്തരം പ്രകടനങ്ങളുടെ ഫോട്ടോയോ വിഡിയോയോ പിടിക്കരുതെന്നും മന്ത്രാലയം അഭ്യർഥിച്ചു. സുരക്ഷ ഉറപ്പുവരുത്താനായി മോക്ക്ഡ്രിൽ റോഡുകളിൽ കണ്ടാൽ യൂനിറ്റുകൾക്ക് വഴിയൊരുക്കണം. സൈനിക സുരക്ഷ നടത്തുന്ന ഇസെഡ് സൈറ്റുകളിൽനിന്ന് വിട്ടുനിൽക്കാനും അധികൃതർ പൊതുജനങ്ങളോട് ആവശ്യപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.