അബൂദബി: ഇന്ത്യാ സോഷ്യല്‍ ആന്‍ഡ് കള്‍ചറല്‍ സെന്‍റര്‍ (ഐ.എസ്.സി.) സംഘടിപ്പിക്കുന്ന 46ാമത് ഐ.എസ്.സി അപെക്‌സ് ബാഡ്മിന്റണ് ഗോള്‍ഡ് ചാമ്പ്യന്‍ഷിപ് ജനുവരി 21വരെ നടക്കും. ജൂനിയര്‍, സീനിയര്‍, എലീറ്റ് വിഭാഗങ്ങളിലായി ഇന്ത്യ ഉള്‍പ്പെടെ വിവിധ രാജ്യങ്ങളില്‍നിന്നുള്ള 30 രാജ്യാന്തര താരങ്ങൾ പങ്കെടുക്കും. യു.എ.ഇ ബാഡ്മിന്റണ് ഫെഡറേഷന്‍റെ സഹകരണത്തോടെ ഗോള്‍ഡ് കാറ്റഗറി വിഭാഗം മത്സരവും ഇതോടനുബന്ധിച്ച് നടക്കുമെന്ന് പ്രസിഡന്‍റ് ജോണ്‍ പി. വര്‍ഗീസ് പറഞ്ഞു.
20 വിഭാഗങ്ങളിലായി ജൂനിയര്‍ താരങ്ങളും 15 ഇനങ്ങളിലായി സീനിയര്‍ താരങ്ങളും മാറ്റുരക്കും. 70,000 ദിര്‍ഹത്തിന്‍റെ സമ്മാനങ്ങളാണ് ജേതാക്കളെ കാത്തിരിക്കുന്നത്. വാര്‍ത്തസമ്മേളനത്തില്‍ പ്രസിഡന്‍റ് ജോണ്‍ പി. വര്‍ഗീസ്, ജനറല്‍ സെക്രട്ടറി വി. പ്രദീപ്കുമാര്‍, ട്രഷറര്‍ ദിലീപ് കുമാര്‍, സ്‌പോര്‍ട്‌സ് സെക്രട്ടറി അനീഷ് ജോണ്‍, ബാഡ്മിന്റണ് സെക്രട്ടറി നൗഷാദ് അബൂബക്കര്‍, പി.എ. ഹിഷാം, ഡോ. അന്‍സാരി വാഹിദ്, എം.പി. രാജേന്ദ്രന്‍ എന്നിവര്‍ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.